بريتاندىقتارعا ەۋرووداق ازاماتتىعىن ساتىپ الۋ ۇسىنىلادى
بۇل تۋرالى بۇگىن The Times گازەتىنىڭ ەلەكتروندى نۇسقاسى ەۋروپارلامەنتتەگى ليبەرالدار مەن دەموكراتتار فراكسياسىنىڭ كوشباسشىسى، بەلگيانىڭ بۇرىنعى پرەمەر-ءمينيسترى گي ۆەرحوفستادت مالىمدەمەسىنە سىلتەمە جاساپ حابارلادى.
«مەنىڭ ويىمشا، ەۋروپالىق ازاماتتىعىن ساقتاپ قالعىسى كەلەتىن جاندارعا مۇمكىندىك بەرىلۋى ءتيىس»، - دەدى ۆەرحوفستادت.
ساياساتكەردىڭ ايتۋىنشا، ەۋروپارلامەنت اتالعان بۇل باستاماعا جىل سوڭىنا دەيىن داۋىس بەرەدى، ودان كەيىن جوسپاردى ە و مۇشە-مەملەكەتتەر ماقۇلداۋى ءتيىس. ۇسىنىسقا سايكەس، ەۋرووداق ازاماتتارى بولىپ قالعىسى كەلەتىن بريتاندىقتار جىل سايىن ە و بيۋدجەتىنە وزدەرى جارنا تولەپ تۇرۋى قاجەت.
سوندا ولاردا ە و اۋماعىنا كوشۋ جانە ءومىر ءسۇرۋ جانە ەۋروپالىق سايلاۋلارعا قاتىسۋ قۇقىعى بولادى. مۇنىمەن قاتار، ۆەرحوفستادتتىڭ ءوزى بۇل باستامانى جۇزەگە اسىرۋدا زاڭدىق قيىندىقتار كەزدەسەتىنىن جاسىرمادى.
