بايقوڭىردا انالار كۇنىن مەرەكەلەۋ باستالدى
مەرەكە قارساڭىندا قالا اكىمشىلىگىنىڭ باسشىسى اناتولي پەترەنكو مەن اپپارات جەتەكشىسى سەرگەي يانوۆسكي قالا اكىمشىلىگىنىڭ شارۋاشىلىق بولىمىندە جۇمىس ىستەيتىن ايەلدەردى انالار كۇنىمەن قۇتتىقتادى.
«قالا اكىمشىلىگىنىڭ جەتەكشىلەرى ايەلدەردىڭ انالىق ەڭبەگى مەن بالا تاربيەسىندەگى زور ۇلەسى ءۇشىن العىس ءبىلدىردى. مەرەكەگە بايلانىستى انالار ماتەريالدىق كومەك الدى»، - دەپ اتاپ ءوتتى اكىمدىكتىڭ باسپا ءسوز قىزمەتى.
شارۋاشىلىق بولىمىندە جۇمىس ىستەيتىن ايەلدەر، كوپشىلىگى جاقىن ماڭداعى تورەتام مەن اقاي اۋىلدارىندا تۇراتىن قازاقستاندىق ازاماتشالار بايقوڭىر باسشىلىعىنا راقمەت ايتتى. انالار كۇنىنە وراي، بۇگىن «ساتۋرن» كينو كونسەرت زالىندا قالانىڭ بارلىق تۇرعىندارى ءۇشىن مەرەكەلىك كونسەرت بولادى.
