وڭتۇستىكتە جاس اقىندار ايتىسى ءوتتى
ەل تاۋەلسىزدىگىنىڭ 25 جىلدىعى مەن 1-جەلتوقسان تۇڭعىش پرەزيدەنت كۇنىنە وراي ۇيىمداستىرىلعان دودادا ءار اۋداننان كەلگەن 10 جاس اقىن باقتارىن سىنادى.
ايتىستا قارا ءسوزدىڭ مايىن ىشكەن ازۋلى اقىندارىمىز اسەلحان قالىبەكوۆا مەن انار جاپپارقۇلوۆالار قازىلىق ەتتى.
وبلىستىق ءبىلىم باسقارماسىنىڭ ۇيىمداستىرۋىمەن جۇزەگە اسقان شارادا جاس اقىندار «تاۋەلسىزدىك» پەن «ەلباسى» تاقىرىبىن جىرعا قوستى.
اقىنداردىڭ ءسوز ساپتاۋى مەن ماقامىنا قاراي باعالاعان قازىلار القاسىنىڭ ءتوراعاسى ءا. قالىبەكوۆا ءبىلىم سالاسىنداعى جەتىستىكتەر مەن ونەرلى وقۋشىلاردىڭ باسقارما تاراپىنان قولداۋ تاپقانى ءۇشىن العىسىن ءبىلدىردى.
الامان بايگە ناتيجەسى بويىنشا، باس جۇلدەنى وتىرارلىق مۇحيت باباقۇلعا السا، I ورىندى ب. وتەپ اتىنداعى ونەر مەكتەبىنىڭ وقۋشىسى داستان ورىنباي جەڭىپ الدى. ال جۇلدەلى II ورىندى وسى مەكتەپتىڭ وقۋشىسى بازاربەك بەكجانعا بۇيىرسا، III ورىندى تۇركىستاندىق باقداۋلەت قوجانوۆ پەن ارىستان ماعجان ءوزارا ءبولىستى.
سونىمەن قاتار، تولەبيلىك احاي ۇلىقبەك بولاشاعىنان ۇلكەن ءۇمىت كۇتتىرەتىن اقىن ەكەنىن كورسەتتى.
