قازاقستانعا «مۇنايدىڭ قارعىسى» تيگەن جوق - نازاربايەۆ

جۇرگىزۋشىنىڭ ءبىرىنشى سۇراعىنا جاۋاپ بەرە وتىرىپ، ق ر پرەزيدەنتى بيرجاداعى مۇناي باعاسىنىڭ قۇلدىراۋى قازاقستاننىڭ ەكونوميكاسىنا تۇسەتىن كىرىستى ازايتتى دەگەن بولاتىن.

سوندىقتان، اگەنتتىك ءتىلشىسى قازاقستان مۇناي باعاسىنىڭ ارزانداۋىنا بايلانىستى، قانداي شارالار قولدانعانىن سۇرادى.

«ەگەر دە مۇناي، گاز سياقتى شيكىزات رەرۋستارىنىڭ باعاسى تۇسسە، كەيبىر باي مەملەكەتتەر ءۇشىن قارعىس دەپ سانالاتىن. ءبىراق، بىزگە بۇل اسەر ەتكەن جوق. سەبەبى، وسى رەسۋرستاردان تۇسكەن قارجىنى قورعا ساقتاي بەردىك. كەيىن، ەكونوميكالىق قيىندىقتار تۋعان كەزدە، سول قوردىڭ قارجىسىن پايدالاندىق»، - دەدى ەلباسى.

پرەزيدەنت اتاپ وتكەندەي، قازاقستان مۇناي مەن گاز سياقتى شيكىزاتتىڭ باعاسىنا تاۋەلدى بولماۋ ءۇشىن، ەكونوميكانى ءارتاراپتاندىرا وتىرىپ، يندۋستريالاندىرۋ باعدارلاماسىن جۇزەگە اسىردى.

ۇدەمەلى يندۋستريالىق يننوۆاتسيالىق دامۋ باعدارلاماسىنىڭ التى جىلىندا ەلىمىزدە 1100 جاڭا كاسىپورىن اشىلعان ەكەن.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى