بالالارىمنىڭ مۇراگەرلىك ماسەلەسىن ويلاعان ەمەسپىن - ق ر پرەزيدەنتى
«بالالارىمنىڭ مۇراگەرلىك ماسەلەسىن ويلاعان ەمەسپىن. سەبەبى، بۇل ءبىزدىڭ ەلىمىزدىڭ زاڭىنا جات. ءبىزدىڭ بيلىكتىڭ اۋىسۋى - كونستيتۋتسيادا جازىلعان. ەگەر دە مەن پرەزيدەنتتىك مەرزىمىم اياقتالماي تۇرىپ، وتستاۆكاعا كەتسەم، قازاقستان پارلامەنتى سەناتىنىڭ ءتوراعاسى پرەزيدەنت قىزمەتىن جالعاستىرادى.
2020-جىلى سايلاۋ وتەدى جانە سول سايلاۋ كىمنىڭ پرەزيدەنت بولاتىنىن انىقتايدى. ياعني، بۇل ماسەلە كونستيتۋتسياعا ساي شەشىلەدى. سوندىقتان، بۇعان الاڭداماۋ كەرەك. جالپى، بيلىككە توقتالاتىن بولساق، قازاقستاندا پرەزيدەنتتىك باسقارۋ»، - دەدى ن. نازاربايەۆ.
پرەزيدەنت اتاپ وتكەندەي، ءوز تاريحىندا ەشقاشان ليبەرالدى باسقارۋ بولماعان قوعام ءۇشىن، ون توعىزىنشى عاسىردىڭ ورتاسىنان بەرى رەسەيدىڭ قول استىندا بولعان قازاقستان ءۇشىن بىردەن ليبەرالدى قوعامعا ءوتۋ دۇرىس بولمايتىن ەدى.
اۆتور: كەنجەكەي توقتامۇرات قىزى
