شىمكەنت كوشەلەرى ساۋلەتتى تۋىندىلارمەن تولىعۋدا - فوتو
كۇز ايلارىندا قالا ساۋلەتىن قالپىنا كەلتىرۋ ماقساتىندا كوشەلەردە ۇلتتىق ناقىشتاعى ساندىك ونەر تۋىندىلارى جاسالا باستاعان بولاتىن. سول ۇلتتىق بولمىس بەينەلەنگەن ساۋلەتتىك تۋىندىلار سەرياسى بويىنشا جانات ەلۋبايەۆتىڭ «قىز جاساۋى»، قازاق ايەلدەرىنىڭ ءداستۇرلى زەرگەرلىك بۇيىمدارىنىڭ كوشىرمەلەرى، ەجەلگى قازاق كەراميكا ونەرىندەگى تەكەمەت پەن ۇلتتىق ويۋمەن ادىپتەلگەن تورسىق قالا كوشەلەرىنە ورنالاستىرىلدى.
بۇگىندە باۋىرجان مومىش ۇلى داڭعىلى، تۇركىستان كوشەسى، تەمىرلانتاس جولى جانە ءشامشى الەمى گۇلزارىندا ورناتىلعان وسى ۇلتتىق قۇندىلىقتار قالا تۇرعىندارىنا كوتەرىڭكى كوڭىل-كۇي سىيلاۋدا.
سونىمەن قاتار، قالا ورتالىعىنداعى بۇل ساۋلەتتىك ونەر نىساندارى شىمكەنت ساۋلەتىنە وزگەشە رەڭ بەرۋدە. اتاپ ايتار بولساق، ساكەن نارىنوۆتىڭ «كۇن مەن ءتۇن»، زۋلحاينار قوجامقۇلوۆانىڭ «ءتورت قىز»، راسۋل ەستەمەسوۆتىڭ «قۇس جانە تاسباقا»، اسقار ەسداۋلەتوۆتىڭ «ويىنشى» جانە «ۇماي»، مۇحتار بەكەنوۆتىڭ «ورنەك»، ابدىكارىم احمەتوۆتىڭ «تۇيە» كوركەمونەر تۋىندىلارى قالانىڭ باستى كوشەلەرىندە ورنالاسقان.
«مۇرا»، «بىرلىك»، «شىعارماشىلىق»، «جاسامپازدىق» سەكىلدى بارلىق ونەر ايشىقتارى قالا ساۋلەتىن ارتتىرۋعا ارنالعانىن ايتا كەتۋ كەرەك. شىمكەنت قالاسى جىل وتكەن سايىن قۇلپىرىپ كەلە جاتقانىن جۇرت جاقسى بىلەدى. ميلليوندى قالانى
مەگاپوليسكە اينالدىرۋ ءىسى جالعاسۋدا.
