افريكالىق تۇيەقۇستار الماتى وبلىسىندا جەرسىندى

كاسىپكەردىڭ ماقساتى - وسىناۋ تاڭسىق كاسىپتىڭ پايداسىن كورىپ قانا قويماي، تۋريزم سالاسىنا دا ءوز ۇلەسىن قوسۋ،

دەپ حابارلايدى قازاقپارات ءتىلىشىسى.

 ونىڭ قوجالىعىندا بۇگىندە قىرىققا جۋىق تۇيەقۇس بار. افريكالىق قۇستار جەرگىلىكتى كليماتقا بەيىمدەلگەن. 40 گرادۋس ايازدا دا وزدەرىن جاقسى سەزىنەدى، دەيدى قوجالىق يەسى. ءتىپتى وسىنداي سۋىقتىڭ وزىندە قارعا اۋناپ، شومىلادى ەكەن.

 تۇيەقۇستاردىڭ بويى 3 مەتر، ال سالماعى ءجۇز كەلىدەن استام بولادى. تاۋلىگىنە ەكى جارىم عانا كەلى جەم جەيدى. قۇستار قىس مەزگىلىندە جۇمىرتقالامايدى. ال جازدا ەسەلەپ جۇمىرتقا بەرەدى، ولاردىڭ جالپى سالماعى 80 كەلىگە جەتەدى.

«بىرەۋىنىڭ وزىنە ون ءتورت ادام تويىپ قالادى. ال ونىڭ ەتىن جەپ كورۋ ءۇشىن قىتاي، گەرمانيادان ارنايى كەلەتىن تۋريستەر كوپ»، - دەيدى كاسىپكەر بەكەتباي داۋرەنقۇلوۆ.

از تاماقتانىپ، تەز سالماق جينايتىن تۇيەقۇستار جۇمىرتقانى كەزەكپەن - انالىعى كۇندىز، اتالىعى تۇندە باسادى. قۇستار جەتپىس جىلعا دەيىن ءومىر سۇرەدى. قازاقستان نارىعىندا تۇيەقۇس ەتىنىڭ 1 كەلىسى 10 مىڭ تەڭگەگە دەيىن بارادى. ال جۇمىرتقاسى ساتىلىمعا بەس مىڭ تەڭگەدەن شىعارىلادى.

 اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى