اقمولا وبلىسىندا اۋىل شارۋاشىلىعى سالاسىنىڭ ەڭبەك وزاتتارىنا سۋ جاڭا كولىكتەردىڭ كىلتى تاپسىرىلدى
دەپ حابارلايدى «قازاقپارات» ح ا ا ءتىلشىسى.
ەسكە سالا كەتەيىك، بۇگىن كوكشەتاۋدا تاۋەلسىزدىكتىڭ 25 جىلدىعى اياسىندا ايماق باسشىسى سەرگەي كۋلاگيننىڭ قاتىسۋىمەن اۋىل شارۋاشىلىعى ەڭبەككەرلەرىنىڭ كۇنى اتالىپ ءوتىلدى.
«كوكشەتاۋ» مادەنيەت سارايىندا ۇيىمداستىرىلعان شاراعا وبلىستىڭ ءار وڭىرىنەن كەلگەن 600 شارۋا قاتىستى. شارا بارىسىندا وبلىستىڭ تاۋەلسىزدىك جىلدارىندا اۋىل شارۋاشىلىعى، ونەركاسىپ جانە الەۋمەتتىك ءتارىزدى سان الۋان سالالاردا قول جەتكەن جەتىستىكتەرى پاش ەتىلگەن كورمە ۇسىنىلدى. سونداي- اق، سالتاناتتى تۇردە اۋىل شارۋاشىلىعى سالاسىنىڭ ەڭبەك وزاتتارى ماراپاتتالدى.
ولاردىڭ اراسىنداجاقسى اۋدانىنداعى «شۇڭقىركول» جاۋاپكەرشىلىگى شەكتەۋلى سەرىكتەستىگىنىڭ كومباينشىسى سامات بەكجانوۆقا، ەسىل اۋدانىنداعى «ورلوۆكا» جاۋاپكەرشىلىگى شەكتەۋلى سەرىكتەستىگىنىڭ مەحانيزاتورى ۆلاديمير دەحتەريەۆكە، سەلينوگراد اۋدانىنداعى «ەن دالا» جاۋاپكەرشىلىگى شەكتەۋلى سەرىكتەستىگىنىڭ جۇرگىزۋشىسى قۋاندىق راقىمجانوۆقا، اتباسار اۋدانىنداعى «باستاۋ» جاۋاپكەرشىلىگى شەكتەۋلى سەرىكتەستىگىنىڭ باس اگرونومى قايىرگەلدى ەربالينعا، بۇلاندى اۋدانىنداعى «جۋراۆليەۆكا-1» جاۋاپكەرشىلىگى شەكتەۋلى سەرىكتەستىگىنىڭ باس زوتەحنيگى تەمىربولات انداروۆقا، اقكول اۋدانىنداعى «ەڭبەك» جاۋاپكەرشىلىگى شەكتەۋلى سەرىكتەستىگىنىڭ باس ينجەنەرى امانگەلدى ورازبايەۆقا ءبىر- ءبىر كولىكتىڭ كىلتى تاپسىرىلدى.
اۆتور: اسلان وسپانوۆ 
