الماتى وبلىسىندا ولتىرىلگەن اعايىندىلاردىڭ ءىسى: پروكۋرور جاڭا دەرەكتەردى ايتتى
ەسكە سالا كەتەيىك، جارقىنبەك دولدان ۇلى، مۇقيات زارلىحان ۇلى جانە ءالىمحان قادىلبەك بيىل ۇزىناعاش ماڭىندا ولتىرىلگەن بولاتىن. قىلمىسقا قاتىسى بار وسى اۋىلدىڭ ەكى تۇرعىنى كۇدىكتى دەپ تانىلدى. ولار - تالعات سۇلەيمانوۆ پەن مۇرات وڭالبايەۆ. سونداي- اق، سوت وتىرىسىنا اۋىلدىڭ جەرگىلىكتى قويشىسى باقىت بايقاسىموۆ تا قاتىسىپ جاتىر. ول "قىلمىس تۋرالى حابارلاماعانى ءۇشىن" ايىپتالىپ وتىر.
سوت وتىرىسى بارىسىندا ىستەگى باستى كۇدىكتى سۇلەيمانوۆتىڭ ۇيىنەن اعايىندىلاردى ولتىرگەن ۆينتوۆكادان باسقا، تاعى ءبىر قارۋدىڭ ساقتالعانى انىقتالدى. پروكۋروردىڭ ايتۋىنشا، وسىعان بايلانىستى وعان قاتىستى ايىپتى تاعى قاراستىرۋ قاجەت. وسىعان دەيىن كۇدىكتى سۇلەيمانوۆ ق ر قىلمىستىق كودەكسىنىڭ 287-بابىنىڭ 3-بولىگى بويىنشا ("قارۋدى، وق- دارىلەردى، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ") ايىپتالدى. پروكۋرور سۇلەيمانوۆتىڭ ۇيدە تەك ءبىر قارۋدى ساقتاماعانى انىقتالعاندىقتان، وعان تاعىلعان ايىپتى وسى باپتىڭ 4-بولىگىنە اۋىستىرۋ قاجەتتىگىن ايتىپ وتىر.
«سۇلەيمانوۆتى بىرنەشە رەت زاڭسىز قارۋ ساقتاعانى ءۇشىن ايىپتاۋ قاجەت. تەرگەۋ باستاپقىدا ونىڭ ۇيدە تەك ۆينتوۆكانى ساقتاعانىن ايتتى، ءبىراق ونىڭ ۇيىندە ەكى قارۋ ساقتالعان بولىپ شىقتى. مۇنىڭ بارلىعى ايىپتى اۋىرلاتاتىن جاعدايلار بولىپ سانالادى جانە سايكەسىنشە قاتاڭ جازالانادى. زاڭ بويىنشا قورعالۋشىنىڭ تاراپى ىستەگى وسى دەرەكتەرمەن تانىسۋ ءۇشىن ءۇش كۇن بەرىلەدى»، - دەپ ءتۇسىندىردى سۋديا.
«ونىڭ ايەلىنىڭ دە وسى قىلمىسقا قاتىسى بار. سەبەبى ول ۇيدە قارۋدىڭ بار ەكەنىن ءبىلدى. ول بۇل تۋرالى ءبىلدى، ءبىراق قىلمىستىڭ الدىن المادى. ەگەر دە سۇلەيمانوۆتىڭ ايەلى قارۋدى قىلمىس بولماي تۇرىپ اكەلسە، كىسى ءولتىرۋ دەرەگى بولماس تا ەدى. ونىڭ ايەلىن جۇمىس ىستەپ جاتقان مەكتەپتەن شىعارىپ، ونى قىلمىستىق جاۋاپكەرشىلىككە تارتۋىن سۇرايمىن. ول جازالانۋى ءتيىس»، - دەدى پروكۋرور.
ايتا كەتەيىك، جوعارىدا كورسەتىلگەن باپتاردان بولەك، كۇدىكتىلەرگە قر قىلمىستىق كودەكسىنىڭ 99, 192, 202-باپتارى بويىنشا ايىپ تاعىلىپ وتىر.
سونداي- اق، 25 -قاراشادا وتكەن سوت وتىرىسىندا قازا بولعانداردىڭ تۋىستارىنىڭ مورالدىق جانە ماتەريالدىق شىعىن رەتىندە 50 ميلليون تەڭگە ءوندىرىپ الماقشى ەكەنى بەلگىلى بولدى. الايدا باستى كۇدىكتى سۇلەيمانوۆ مۇنداي اقشانىڭ جوق ەكەنىن، وتەماقىنى تولەي المايتىنىن ايتتى.
ەسكە سالايىق، تالدىقورعان قالاسىنا جاقىن ماڭداعى كوكسۋ اۋدانىنىڭ 3 تۇرعىنى الماتى جاقتاعى ۇزىناعاش بازارىندا مال ساتامىز دەپ ءىز- ءتۇسسىز جوعالىپ كەتكەن بولاتىن. كەيىنىرەك ولاردىڭ ءولى تابىلعانى حابارلانعان ەدى. ۆەدومستۆوداعىلاردىڭ ايتۋىنشا، مارقۇمداردىڭ دەنەسىندە زورلىق بەلگىلەر بار.
