قىتايعا تيگەن قازاقستاندىق قىز تۋرالى فيلم تۇسىرىلمەك

بۇل تۋرالى 23- قاراشا كۇنى قىتايدىڭ شيان قالاسىندا وتكەن قازاقستان-قىتاي ب ا ق وكىلدەرىنىڭ فورۋمىندا «باتىس قىتاي فيلم» ستۋدياسىنىڭ باس مەنەدجەرى جاۋ ۆەنتاۋ ءمالىم ەتكەن.

قىتايلىق news.sina.com سايتىنىڭ حابارلاۋىنشا، فورۋمدا جاۋ ۆەنتاۋ ءۇشىنشى حالىقارالىق «جىبەك جولى» كينو فەستيۆالى اياسىندا شاكەن ايمانوۆ اتىنداعى «قازاق فيلم» ا ق مەن «باتىس قىتاي كينوسى» كورپوراتسياسى سەرىكتەستىك تۋرالى مەموراندۋمعا قول قويىلعاندىعىن ايتتى.

سونداي-اق ول مەموراندۋمنىڭ ەكى ەلدىڭ مادەنيەت، كينو، تەلەۆيدەنيە سالاسىنداعى ىنتىماقتاستىعىنا وڭ وزگەرىستەر اكەلگەندىگىن ايتا كەلىپ، تاراپتاردىڭ العاشقى بىرلەسكەن جوباسى «ماحاببات وتكەلدەرى» فيلمىن تۇسىرەتىندىگىن ايتقان.

قىتايعا تيگەن قازاقستاندىق قىز، فيلمنىڭ سەناريسى ءارى باس كەيىپكەردىڭ پروتوتيپى سوفيا ۇشىروۆانىڭ ايتۋىنشا، تۋىندى، رومانتيكالىق كومەديا جانرىنداعى فيلم بولماق. وندا، قازاقستاندىق زاڭگەر قىزبەن قىتايلىق كاسىپكەر جىگىت اراسىنداعى ماحاببات حيكاياسى باياندالادى.

ايتا كەتەيىك، 1958-جىلى «باتىس قىتاي كينوسى» كينوكومپانياسىنىڭ نەگىزى قالاندى. ول - قىتايداعى 4 ءىرى مەملەكەتتىك كومپانيانىڭ ءبىرى. كورپوراتسيا حالىقارالىق كينو فەستيۆالدەردە تانىمال. قىتايلىق كينوستۋديادا 1000 نان استام كوركەم فيلم ءتۇسىرىلىپ، ولار 70 تەن استام حالىقارالىق سىيلىققا يە بولدى.

دەگەنمەن، «قازاقفيلم» اق قىتايلىق كينەماتوگرافيستەرمەن مەموراندۋمعا قول قويىلعانىن، ءبىراق ازىرگە ناقتى جوبالاردىڭ تالقىلانباعانىن حابارلادى. قازىرگى ۋاقىتتا قازاقفيلمنىڭ قىتايمەن بىرلەسكەن ءبىر عانا جوباسى بار - ول ءبىر كەزدەرى ك س ر و- دا ءومىر ءسۇرىپ، قىزمەت اتقارعان تالانتتى قىتايلىق كومپوزيتور سي سينحاي تۋرالى «كومپوزيتور» فيلمى (ونىڭ ەسىمى الماتى مەن استانا كوشەلەرىنە بەرىلگەن) .

اۆتور: ريزابەك نۇسىپبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى