تۇسكى استان سوڭ ۇيقى قىسپاۋ ءۇشىن نە ىستەۋ كەرەك؟
الايدا جاقسىلاپ اس ىشكەن سوڭ ادامدى نەگە ۇيقى قىسادى؟
وسى سۇراققا جاۋاپ ىزدەگەن ماماندار جۇرتقا قورىتىندىسىن ايتتى، دەپ جازادى ايقىن گازەتى.
تاعامدا بەلوك پەن تۇزدىڭ كوپ بولۋى اعزا ءۇشىن وتە ماڭىزدى. مۇنى سكريپپس زەرتتەۋ ينستيتۋتىنىڭ ماماندارى انىقتاپ، تۇقىم جيناعىش قاپتىڭ قىزمەتى نەمەن بايلانىستى ەكەندىگىنە كوز جەتكىزدى. بۇل جۇيە ۇيقى مەن تاماقتانۋ جۇمىسىنىڭ قىزمەتىمەن تىكەلەي بايلانىستى بولىپ شىقتى. ياعني تويا تاماق ىشكەن سوڭ ادامدى ۇيقى قىساتىنداي ءجونى بار. بۇعان قوسا ءبىرقاتار ازىق- تۇلىك اسقازانعا تۇسكەن سوڭ ۇيقى شاقىراتىنىن دا قوسىڭىز.
وسىلايشا كىرپىك ءىلۋ 20-40 مينۋتقا سوزىلادى. بۇل تاماقتى قانشالىقتى كوپ ىشكەنىڭىزگە دە بايلانىستى. دەمەك كوز شىرىمىن الۋعا ىنتىقتىراتىن ءۇردىستى تاماق ءىشۋ بارىسىندا قالىپقا كەلتىرۋگە بولادى ەكەن.
بۇرىندارى «Lk نەيروندارى اس ءىشۋ كولەمىن رەتتەۋگە قاتىسادى جانە جۇيكە قىزمەتى تاماقتانۋ بارىسىندا وتە شاپشاڭ جۇمىس ىستەيدى» دەگەن بولجام جاسالىپ كەلگەن ەدى. ەندى Lk نەيروندارى تۇسكى استان سوڭ ۇيقى شاقىراتىنى بەلگىلى بولدى.
