نازاربايەۆ: اكىم كەتسە، بۇكىل كومانداسى بىرگە كەتەتىن ادەت دوعارىلدى ما؟

بۇل تۋرالى شەنەۋنىك مەملەكەت باسشىسى نۇرسۇلتان نازاربايەۆقا استانادا مودەرنيزاتسيالاۋ جونىندەگى ۇلتتىق كوميسسياداعىلاردىڭ قىزمەتىنە قاتىستى وتكەن وتىرىس بارىسىندا ايتتى.

«ءبىرىنشى قادامعا سايكەس، مانساپ مودەلى دەگەن ەنگىزىلدى. ەندى مەملەكەتتىك قىزمەت تومەنگى قىزمەت ورىندارىنا باستالادى، ياعني، بارىنە ورتاق بايقاۋدان ءوتىپ بارىپ، مەملەكەتتىك قىزمەتكە كەلە الادى. جىلدىڭ باسىنان بەرى تومەنگى قىزمەت ورىندارىنا التى مىڭعا جۋىق ادام كەلگەن، بۇل بىلتىرعى كورسەتكىشتەن ءۇش ەسەگە كوپ بولىپ تۇر. ەندى مەملەكەتتىك قىزمەتكە الاردا ونىڭ تەك ەڭبەك ءوتىلى ەمەس، ارنايى ءبىلىم دەڭگەيى، شەشىم قابىلداۋداعى جاۋاپكەرشىلىگى، اتقارىپ جاتقان جۇمىستارىنىڭ كۇردەلىلىگى. سونداي-اق، مەملەكەتتىك قىزمەتكەر تەك بايقاۋ مەن تومەنگى قىزمەت ورىندارىندا جيناعان تاجىريبەسى ارقىلى عانا مانسابىندا كوتەرىلە الاتىن بولادى. بۇل 3500 دەن اسا قىزمەتكەردى جوعارىداعى قىزمەتتەرگە اۋىستىرۋعا مۇمكىندىك بەرگەن. قابىلدانعان شارالار مەملەكەتتىك قىزمەتتە كوتەرىلۋ تەك جەكە تاجىريبە مەن سىڭىرگەن ەڭبەك ارقىلى مۇمكىن ەكەنىن كورسەتتى»، - دەدى قوجامجاروۆ ءوز ەسەبىندە.

«اكىم كەتسە، بۇكىل كومانداسى بىرگە كەتەتىن ادەت دوعارىلدى ما؟»، - دەپ سۇراق قويدى پرەزيدەنت.

قوجامجاروۆ بولسا، مۇنداي جاعدايلاردىڭ 25 پايىزعا قىسقارعانىن ايتتى. سونداي-اق، قوجامجاروۆ قازىرگى ۋاقىتتا مانساپ جولىندا كوتەرىلۋ تەك ىشكى بايقاۋدىڭ ناتيجەسى بويىنشا جۇزەگە اسىرىلىپ جاتقانىن ايتتى.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى