مەن قازاقستان نامىسىن تۋ ەتكەن گولوۆكينمەن جەكپە-جەككە شىقپاس ەدىم - بەيسەنبى ناسيوللا ۇلى

«مەن ءبىر جىل بۇرىن گەنامەن بىرگە تۇسكەن سۋرەتىمدى جاريالاپ، وعان قاتىستى جالعان اقپارات تاراعانىنا كۋا بولدىم. ءبىز ونىمەن يۇننان پروۆينسياسىنىڭ كۋنميڭ قالاسىندا 2015 -جىلى WBC- تىڭ جىلدىق ەسەپتىك وتىرىسىندا كەزدەسكەن ەدىك.

نەگىزى، تەوريا جۇزىندە مەن ونىمەن رينگكە شىعا الام، الايدا قازىر مەن ەكى سالماق تومەن دارەجەدە جاتتىعام. مەندە ونداي مۇمكىندىك بولعان كۇننىڭ وزىندە، گولوۆكينمەن جەكپە- جەككە شىقپاس ەدىم. سەبەبى ول قازاقستاننىڭ تۋىن بيىكتەرگە كوتەرىپ جۇرگەن جىگىت.

مەن قازاقستان ازاماتى بولماسام دا، قانىم قازاق. سوندىقتان ونىمەن باسەكەلەس بولماس ەدىم»، دەيدى بايشان بو (قىتايلىقتار ونى وسىلاي اتايدى ەكەن) قازاقپاراتقا بەرگەن سۇحباتىندا. بەيسەنبى، سونداي-اق، ونى قازاق تىلىنە شورقاق دەپ جازىلعان اقپاراتتىڭ شىندىققا جاناسپايتىنىن دا ايتىپ ءوتتى. قازىرگى ساتتە قانداسىمىز 17 -جەلتوقساندا اۆستراليالىق بىلعارى قولعاپ شەبەرىمەن جەڭىل سالماقتا WBA نۇسقاسى بويىنشا ازيا چەمپيونى اتاعى ءۇشىن وتەتىن جەكپە- جەكتە قىزۋ دايىندالىپ جاتقانىن جەتكىزدى.

ايتا كەتەيىك، بەيسەنبى ناسيوللا ۇلى كاسىپقوي رينگتە 11 جەكپە-جەك وتكىزىپ، 10 ىندا جەڭىسكە جەتكەن (5 ەۋى نوكاۋت)، ءبىر كەزدەسۋ تەڭ اياقتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى