قازاقستاندىق اسكەري قىزمەتشىلەردىڭ دايارلىعىنا ب ۇ ۇ ساراپشىلارى جوعارى باعا بەردى
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
قازاقستاندىق اسكەري قىزمەتشىلەردىڭ وپەراتسيالارعا قاتىسۋعا ازىرلىگىن ايقىنداۋ ماقساتىندا جۇمىس ساپارى اياسىندا ب ۇ ۇ- نىڭ ساراپشىلارى «بەيبىتشىلىك ءۇشىن سەرىكتەستىك» وقۋ- جاتتىعۋ ورتالىعى («قازسەنت») جانە «قازبات» قازاقستاندىق بىتىمگەرشىلىك باتالونىنىڭ قىزمەتىمەن تانىستى.
ساراپشىلار جۇمىسىنىڭ الدىن الا قورىتىندىسى 23 - قاراشا كۇنى استانادا ق ر قورعانىس مينيسترلىگىنىڭ وكىلدەرىمەن كەزدەسۋ بارىسىندا جاريا ەتىلدى. ب ۇ ۇ- نىڭ ساراپشىلارى قازاقستاندىق اسكەري قىزمەتشىلەردىڭ دايىندىق دەڭگەيىنە جوعارى باعا بەرىپ، سونىمەن قاتار، بىتىمگەرشىلىك كونتينگەنتتى دايىنداۋ جونىندەگى ۇيىمنىڭ جاڭا تالاپتارى اياسىندا ءبىرقاتار ۇسىنىمداردى بەلگىلەدى.
قازىرگى ۋاقىتتا ق ر پارلامەنتىنىڭ 2013 -جىلعى قاۋلىسىنا سايكەس قازاقستاندىق ارميانىڭ ءتورت اسكەري قىزمەتشىسى باتىس ساحاراسى (MINURSO) مەن كوت- ديۆۋارداعى (UNOCI) ب ۇ ۇ- نىڭ ەكى ميسسياسىندا قىزمەت اتقارىپ جۇرگەندەرىن ايتا كەتكەن ءجون. سونىمەن بىرگە، قارۋلى كۇشتەردىڭ توعىز وفيسەرى ب ۇ ۇ- نىڭ ميسسيالارىندا قىزمەتتەرىن اياقتاپ ۇيلەرىنە ورالدى. ولاردىڭ تورتەۋى بىتىمگەرشىلىككە قوسقان ۇلەستەرى ءۇشىن ماراپاتقا جانە ميسسيا قولباسشىلىعىنىڭ اتىنان العىس حاتقا يە بولدى.
