فرانسۋز قىزى قازاق تىلىنەن ديسسەرتاتسيا جازىپ ءجۇر

  دوكتورانت ن. كريستوفەر قازاق ءتىلىنىڭ سينتاكسيسىنە ارنالعان عىلىمي جۇمىسىن جازىپ ءجۇر. ءوزى دە قازاق ءتىلىن بىلەدى. بۇگىندە ول قازاقستاندا تاعى بارسام ەكەن دەپ، ارمانداپ ءجۇر، دەپ حابارلايدى قازاقپارات ءتىلشىسى.

«مەن استانادا توعىز اي تۇردىم. وندا قازاق ءتىلىن ۇيرەندىم. مەنىڭشە، قازاقتار وتە قوناقجاي، جىلى، اقىلدى جانە قايىرىمدى. قازاقتىڭ ايەلدەرى وتە ادەمى، ال قازاق جىگىتتەرىنىڭ تۇسىنىگى مول جانە سالماقتى»، - دەيدى ول.

دوكتورانتتىڭ ايتۋىنشا، وعان جىلقى ەتى، اسىرەسە، قازاق حالقىنىڭ ۇلتتىق تاعامى - قازاقشا ەت قاتتى ۇناپ قالدى. قازاق ءتىلىن ۇيرەنۋگە دە ول قاتتى قىزىقتى.

 «قازاق ءتىلى - وتە قىزىقتى ءتىل. مەنىڭشە، قازاق ءتىلى - قيىن ءتىل. ءبىراق ادام ۇيرەنگىسى كەلسە، مەڭگەرۋگە بولادى. قازاق ءتىلى - وتە ادەمى ءتىل. ماعان قازاقتىڭ ادەبي ءتىلى وتە قاتتى ۇنايدى»، - دەدى نادەجدا.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى