وڭتۇستىك قازاقستاننىڭ بالاباقشالارىندا ليفت ورناتۋدى «جوسپارلاعان» - ەسەپ كوميتەتى

 دەپ حابارلايدى قازاقپارات ءتىلشىسى.

«ءبىلىم بەرۋ مەكەمەلەرىنىڭ نىساندارىن ساپاسىز جوبالاۋ فاكتىلەرى انىقتالدى. ماسەلەن، تۇركىستان قالاسى مەن تولە بي اۋدانىنداعى ەكى قاباتتى بالاباقشالاردىڭ جوبالاۋ- سمەتالىق قۇجاتتارىنا جولاۋشىلار ليفتەرىنە دەيىن كىرگىزىپ قويعان. الايدا قۇرىلىس نورمالارىنا سايكەس، ونداي نىسانداردا ليفتتەردى ورناتپايدى»، - دەدى س. نوگەربەكوۆ ەسەپ كوميتەتىنىڭ بۇگىنگى وتىرىسىندا.

 بۇدان بولەك، «اقبۇلاق» باعدارلاماسى اياسىندا انىقتالعان زاڭ بۇزۋشىلىقتار ءالى كۇنگە دەيىن قايتالانىپ كەلەدى. «ماسەلەن، 2014 -جىلى «اقبۇلاق» باعدارلاماسىنىڭ تيىمدىلىگىن تەكسەرۋ بارىسىندا كوميتەت مۇشەلەرى تۋپ- تۋرا بۇگىنگىدەي 18,4 ميلليارد تەڭگەنىڭ زاڭ بۇزۋشىلىقتارىن انىقتاعان ەدى»، - دەپ اتاپ كورسەتتى س. نوگەربەكوۆ.

 وسىنى ەستىگەن كوميتەت ءتوراعاسى قوزى- كورپەش جاڭبىرشين شىداي الماي:

 «ول قالاي؟ ەكى جىل بۇرىن ەسكەرتۋ جاسادىق. بارلىق كەمشىلىكتەر جويىلادى دەپ ۋادە بەرىلدى. الايدا ناتيجە جوق»، - دەپ وبلىس اكىمىنىڭ ورىنباسارىنا شۇيلىكتى. اكىمنىڭ ورىنباسارى ەربول سادىر بولسا، كەشىرىم سۇراپ، اتالعان كەمشىلىكتەر ءۇشىن جۇزدەگەن ادامنىڭ جازالانعانىن جەتكىزدى. «قوزى- كورپەش ەسىم ۇلى، 2014 -جىلى ءبىز 767 ادامعا تارتىپتىك جازا قولدانساق، 2015 -جىلى 384 ادام جازاسىن الدى»، - دەدى ول. الايدا كوميتەت ءتوراعاسى ونداي جاۋاپقا قاناعاتتانعان جوق.

«ەندى، جارايدى، ولاردى تارتىپتىك جازاعا تارتقان شىعارسىڭدار، سوگىس جاريالادىڭىزدار. ءبىراق ناتيجە جوق قوي. اياعىندا سول جاعدايعا تاعى دا تىرەلىپ وتىرمىز»، - دەدى قوزى- كورپەش جاڭبىرشين. «ءبىز سەمينارلار وتكىزىپ، ولاردىڭ ءبىلىمىن كوتەرۋ ماسەلەسىن دە قوزعاپ جاتىرمىز. مىسالى،  1500-دەن ارتىق بۋحالتەر بولسا، سونىڭ قازىرگى كەزدە جوسپارىن قۇرىپ، ولاردى وقىتۋ ماسەلەسىن جۇرگىزىپ جاتىرمىز»، - دەپ ە. سادىر تاعى اقتالۋعا تىرىستى. دەگەنمەن، ول دا بولمادى.

 «ەندى، ەكى جىل ءوتتى. سەندەر سەميناردى وتكىزبەڭدەر، ەشتەڭە ىستەمەڭدەر. ءبىراق مىناۋ زاڭ بۇزۋشىلىقتار قايتالانباسىن. سەندەردىڭ وتكىزگەن سەمينارلارىڭنىڭ پايداسى جوق. قىرۋار جۇمىس جاساپ جاتىرمىز دەپ، كوزبوياۋشىلىق جاساۋدىڭ قاجەتى شامالى. قالاي؟ وزىڭىزگە وسىلاي مىنبەرگە شىعىپ، كەمشىلىكتەر ءۇشىن جاۋاپ بەرگەن ۇناي ما؟»، - دەپ سۇرادى كوميتەت باسشىسى.

«ۇنامايدى. الداعى ۋاقىتتا تۇزەيمىز، قوزى- كورپەش ەسىم ۇلى»، - دەدى ە. سادىر.

ايتا كەتەيىك، وتىرىس كەزىندە وڭتۇستىك قازاقستان وبلىسى اكىمىنىڭ ورىنباسارى ەسەپ كوميتەتىنىڭ مۇشەلەرىن الداي المادى. بۇدان بولەك، وتىرىستا «اگروبيزنەس - 2020» باعدارلاماسىنا جۇرگىزىلگەن مەملەكەتتىك اۋديتتىڭ ناتيجەسى دە جاريالاندى. باعدارلاما اياسىندا قىرۋار قارجى ءتيىمسىز جۇمسالدى. ميللياردتاعان اقشاعا سالىنعان قۇرىلىس نىساندارى ءالى كۇنگە دەيىن قاڭىراپ بوس تۇر. ال اۋىل شارۋاشىلىعى مينيسترلىگىنىڭ وكىلدەرى قىمبات قوندىرعىلاردى نە ءۇشىن ساتىپ العانىن تۇسىندىرە المادى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى