قازاق تىلىندە عارىش تەرميندەرىنىڭ سوزدىگى جاسالدى
دەپ حابارلايدى «قازاقپارات» ح ا ا ءتىلشىسى. ءبىزدىڭ اگەنتتىككە «قازاقستان عارىش ساپارى» ۇ ك» ا ق مەملەكەتتىك ءتىلدى دامىتۋ ءبولىمىنىڭ باس مامانى شولپان مالعازداروۆانىڭ ايتقانىنداي، تەرمينولوگيالىق سوزدىكتى جاساۋ جۇمىستارى 2006 -جىلى باستالعان.
«قازاقستان ءىرى عارىشتىق جوبالاردى جاساۋعا كىرىسىپ، عارىش سالاسىنداعى تەحنيكالىق، كۇردەلى، ارنايى تەرميندەردى اۋدارۋدىڭ قاجەتتىلىگى تۋىندادى»، - دەپ ەسكە الدى ش. مالعازداروۆا. بىرنەشە جىلدار بويى عارىش تەرمينىندە ءجيى قولدانىلاتىن سوزدەر توپتاماسى جيناقتالىپ، بۇگىندە سوزدىككە عارىش قىزمەتىندە پايدالانىلاتىن 640 سوزدەر مەن تەرميندەر، اببريەۆياتۋرالار مەن ولاردىڭ تۇسىندىرمەسى كىرىستىرىلدى. جاقىندا عانا سالامىزعا «ديستانتسيوننوە زونديروۆانيە زەملي»، «سيستەما ۆىسوكوتوچنوي سپۋتنيكوۆوي ناۆيگاتسي» سەكىلدى ءسوز تىركەستەرى ەندى جانە ولاردىڭ انا تىلىمىزدەگى ناقتى اۋدارمالارىن بەرۋ كەرەك بولدى، مىسالى: جەردى قاشىقتىقتان زوندتاۋ، جوعارى دالدىكتى جەرسەرىكتىك ناۆيگاتسيا جۇيەسى»، - دەدى سوزدىكتى جاساۋ باستاماشىسى ش. مالعازداروۆا.
ستاتيستيكاعا سۇيەنسەك، «قازاقستان عارىش ساپارى» ۇ ك» ا ق ۇجىمىنىڭ جارتىلاي دەرلىك بولىگى قازاق ءتىلىن ۇيرەنۋ كۋرستارىنان ءوتىپ، سەرتيفيكاتتارعا يە بولدى. بۇعان قوسا، كۋرس قاتىسۋشىلارىنىڭ جارتىسىنان كوبى قازاق تىلىندە ەركىن سويلەيتىندەر. ازىرگە، 2012 -جىلى مادەنيەت جانە اقپارات مينيسترلىگىنىڭ ارنايى كوميسسياسى بەكىتكەن عارىش تەرميندەرىنىڭ سوزدىگى ەلەكتروندى نۇسقادا قولدانىلۋدا. «قازاقستان عارىش ساپارى» ۇ ك» ا ق كومپانياسىنىڭ الداعى جوسپارىندا اتالمىش زياتكەرلىك ەڭبەكتىڭ اۆتورلىق قۇقىعىن بەلگىلەپ، قازاقستانداعى تۇڭعىش عارىش تەرميندەرىنىڭ ورىس- قازاق تىلىندەگى سوزدىگىن شىعارۋ جوسپارى بار.
