يليننىڭ اعزاسىندا دوپينگ قايدان ءجۇر؟

مۇنداي پىكىردى مادەنيەت جانە سپورت ءمينيسترى ساكەن مۇسايبەكوۆ ءبىلدىردى، دەپ حابارلايدى قازاقپارات.

«سىزدەردى يليا يلين بارىنشا تولعاندىرىپ وتىر. ءبىراق، بىزدە دوپينگتەن زارداپ شەككەن سپورتشىلار كوپ. ولار دوپينگتىڭ بولعاندىعىن ايتقان ەمەس. وزدەرىڭىز دە بىلەتىندەي، 2008-جىلى كوپتەگەن سپورتشى زارداپ شەكتى. سول جىلى سىناما تاپسىرعاننان كەيىن ءبىزدىڭ سپورتشىلار تازا بولعان ەدى. لوندوندا دا تاپسىرعان سىنامالارى تازا بولدى. ءبىراق، 2013-جىلى قانداعى، سپورتشىنىڭ اعزاسىنداعى تىيىم سالىنعان پرەپاراتتاردى انىقتاۋدىڭ جاڭا ادىستەمەسى شىقتى. وكىنىشكە وراي، قالاي تۇسكەنىن بىلمەيمىن. دەگەنمەن، سپورشىلارعا ارنالعان تاعامدار مەن تاعام قوسپالارىنا كۇدىگىم بار. سول ۋاقىتتا انىقتاي الماعان ەدى. الايدا، جاڭا تەحنولوگيا، زەرتتەۋدىڭ جاڭا ادىستەمەسى بۇل پرەپاراتتاردىڭ سپورتشىلاردا بار ەكەندىگىن كورسەتىپ وتىر»، - دەدى ول ب ا ق وكىلدەرىنىڭ ساۋالىنا وراي.

سونىمەن قاتار ول مۇنداي جايت بارلىعىنا اۋىر سوققى بولىپ تيگەنىن دە جاسىرمادى. «مەن ونىڭ بەيجىڭدەگى ونەرىن تاماشالادىم، وليمپيادالىق رەكورد جاساعانىن لوندونعا بارىپ كوردىم. ادام رەتىندە، سپورتقا جاۋاپتى مينيسترلىكتىڭ قىزمەتكەرى رەتىندە وتە اۋىر. مينيستر مۇحامەدي ۇلىنا دا اۋىر سوققى بولىپ وتىر»، - دەدى ۆيتسە-مينيستر.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى