ءۇش تىلدە ەركىن سويلەيتىن قالامنىڭ «قۇدىرەتىن» كورسەتتى
«قازاق ءتىلىن تەز ۇيرەتەتىن امالداردىڭ ءبىرى - يننوۆاتسيالىق تەحنولوگيالاردى جاساپ، ولاردى قولدانىسقا ەنگىزۋ. سونداي-اق، قازاق تىلىندە اۋىزشا سويلەسكەندە ءجيى قولدانىلاتىن سوزدەردىڭ قورى جوق بىزدە. ەگەر دە زەرتتەۋ جۇرگىزىپ، قانداي دا ءبىر تىڭداۋ قۇرىلعىسىنىڭ ارقاسىندا ادامدار قازاق تىلىندە ءبىر كۇندە، ءبىر اپتادا، ءبىر ايدا، ءبىر جىلدا قانداي سوزدەردى تۇرمىستا ەڭ كوپ قولدانعانىن انىقتاساق، وندا ءجيى ايتىلاتىن قازاق سوزدەرىنىڭ قورىن انىقتاي الار ەدىك.
ءبىراق، بۇنداي جۇمىس اعىلشىن تىلىندە جۇرگىزىلگەن ەكەن. ءبىز سول زەرتتەۋدى نەگىزگە الا وتىرىپ، ءجيى قولدانىلاتىن 50 مىڭ ءسوزدى اۋدارىپ، ولاردى وقىپ، وسى قالامعا 50 مىڭ ءسوزدىڭ قازاق، ورىس جانە اعىلشىن تىلدەرىندەگى نۇسقاسىن وسى قالامعا سىيدىردىق»، - دەيدى وسى تەحنولوگيانى ويلاپ تاپقان ن. قۇدايبەرگەن ۇلى.
قازاق ءتىلىن ۇيرەتەتىن جولداردى ىزدەپ جۇرگەن عالىم بۇل جاڭالىعىن بۇگىن نازاربايەۆ ۋنيۆەرسيتەتىندە وتكەن «ماڭگىلىك ەلدىڭ ماڭگىلىك ءتىلى» اتتى حالىقارالىق سيمپوزۋمدا العاش رەت تانىستىردى. ەندى سۋ جاڭا يننوۆاتسيالىق تەحنولوگيانى ءبىلىم جانە عىلىم مينيسترلىگىنە، مەكتەپتەرگە تانىستىرامىن دەيدى. «ءۇش تىلدە وقىتۋدى كوزدەگەن ءبىلىم مينيسترلىگى ءۇشىن بۇل تاپتىرماس قۇرال بولار ەدى»، - دەپ مالىمدەدى ن. قۇدايبەرگەن ۇلى.
اۆتور: كەنجەكەي توقتامۇرات قىزى
