وسكەمەندە ەرتىس وزەنىندەگى كوپىردىڭ ەسكى بولىگى قۇلادى - فوتو، كەسكىن
جوندەۋ جۇمىسى بارىسىندا تىرەكتى مونتاجداۋ ۋاقىتىندا كوپىر ارالىعىنىڭ كونسترۋكتسياسى سول جاققا قاراي قيسايىپ، سالدارىنان كوپىر قۇلادى.
پليتا تىگىنەن ءتۇسىپ، 4 جۇمىسكەر تومەن سىرعاناپ كەتتى. ءبىر ادام اياعىن زاقىمداسا، ەكەۋى جوعارىدا ءىلىنىپ قالعان.
ش ق و ت ج د قۇتقارۋشىلارى جەدەل كومەك كورسەتىپ، جوعارىدا قالعان ادامداردى قۇتقاردى، دەپ حابارلادى ت ج د سىلتەمە جاساپ، «قازاقپارات» ح ا ا ءتىلشىسى.
وقيعا ورنىندا اۆاريالىق قۇتقارۋ جاساعى، «ءورت ءسوندىرۋ جانە اۆاريالىق قۇتقارۋ جۇمىستار قىزمەتى» قۇتقارۋشىلارى جۇمىس جۇرگىزۋدە. قۇتقارۋشىلار ارقاننىڭ كومەگىمەن 2 ەر ادامعا جەرگە تۇسۋىنە كومەكتەستى.
«اپات مەديتسينا ورتالىعىنىڭ» دارىگەرلەرى التى ادامدى دا قاراپ شىقتى. وبلىستىق پروكۋراتۋرا جەدەل تەكسەرۋ تاعايىندادى، ەگجەي-تەگجەيى كەيىن حابارلانادى.
