الماتىدا سەگىز ەلدىڭ بالۋاندارى باس قوسادى

«قازاقستان بارىسى» قازاق كۇرەسىن دامىتۋ قورىنىڭ ءتوراعاسى ارمان شورايەۆتىڭ ايتۋىنشا، ءبىزدىڭ ۇلتتىق كۇرەسىمىزدىڭ تانىمالدىعى جىلدان-جىلعا ارتۋدا. بيىلعى تۋرنير ەلىمىزدىڭ ەڭ ۇلكەن قالاسىندا، 12 مىڭ ادام سىياتىن ۇزدىك زاماناۋي ارەنادا وتەدى.

بۇل دودانى قازاقستاندىق تەلەارنالاردان بولەك، رەسەيلىك، تۇركيالىق تەلەارنالار دا تىكەلەي ەفيردە كورسەتەدى. دودا بارىسىندا وتاندىق ەسترادا جۇلدىزدارىنىڭ قاتىسۋىمەن ۇلكەن شوۋ وتەدى. تۋرنيرگە گرۋزيا، موڭعوليا، پولشا، رەسەي، تاجىكستان، تۇركيا، وزبەكستان، قازاقستان ەلدەرىنەن 8 ۇلتتىق قۇراما قاتىسادى.

ءار كوماندا تورەشى، باپكەر جانە 55 كەلى، 60 كەلى، 66 كەلى، 74 كەلى، 82 كەلى، 90 كەلى، 100 كەلى جانە 100 كەلىدەن جوعارى سالماق ساناتتارىندا سىنعا تۇسەتىن سەگىز بالۋاننان قۇرالعان. جالپى جۇلدە قورى 20 ميلليون تەڭگە. ءبىرىنشى ورىن العان كومانداعا 10 ميلليون، ەكىنشىگە - التى ميلليون، ۇشىنشىگە - ءتورت ميلليون تەڭگە بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى