قازاقستاننىڭ اۋە كومپانيالارى ەۋرو كوميسسيانىڭ «قارا» تىزىمىنەن قاشان شىعادى؟
شارا بارىسىندا قازاقستاندىق دەلەگاتسيا وكىلدەرى قازاقستانداعى ۇشىپ-قونۋ قاۋىپسىزدىگىن قامتاماسىز ەتۋ، ەۋروپالىق كوميسسيا وكىلدەرى انىقتاعان جاعدايلار بويىنشا قولعا الىنعان ءىس-شارالار مەن اۆياتسيا سالاسى قىزمەتىنىڭ بولاشاق جوسپارلارى تۋرالى اقپاراتتاردى ۇسىندى.
«ءبىز ءوز ىشىمىزدە جاقسى جۇمىستار جۇرگىزدىك. مۇنى حالىقارالىق ازاماتتىق اۆياتسيا ۇيىمىنىڭ اۋديتورلىق شارالارى راستادى. بۇگىنگى تاڭدا قازاقستاننىڭ اتالمىش ۇيىم تالاپتارىنا سايكەستىگى 74 پايىزدى قۇرايدى»، - دەدى ق ر ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتىنىڭ ءتوراعاسى بەكەن سەيداحمەتوۆ.
ول اتالعان كورسەتكىشتى 63 پايىزدى قۇرايتىن ورتاشا الەمدىك دەڭگەيدەن جوعارى ەكەندىگىن جەتكىزدى. ال، ورتاشا ەۋروپالىق دەڭگەي 76 پايىزدى قۇرايدى. «باسقاشا ايتقاندا ءبىز كوپتەگەن ەۋروپالىق مەملەكەتتەردىڭ دەڭگەيىندە تۇرمىز»، - دەدى ق ر ي د م- نىڭ ازاماتتىق اۆياتسيا كوميتەتىنىڭ ءتوراعاسى.
بۇعان قوسا قىركۇيەك ايىندا ەۋروكوميسسيانىڭ ماماندارى قازاقستانداعى ۇشىپ-قونۋ قاۋىپسىزدىگىن قامتاماسىز ەتۋ شارالارىنا تەحنيكالىق باعالاۋ جۇرگىزىپ، اتالمىش شارالاردىڭ يكاو ستاندارتتارىنا سايكەستىگىن راستادى.
«قازىرگى تاڭدا قازاقستان يكاو رەيتينگىندە 191 ەلدىڭ اراسىندا 66- ورىندا تۇر. ءبىزدىڭ مىندەتىمىز ۇشىپ-قونۋلاردىڭ قاۋىپسىزدىگىن قامتاماسىز ەتۋ سالاسىندا باسەكەگە قابىلەتتى 50 ەلدىڭ قاتارىنا كىرۋ. الايدا، ءبىز بۇنىمەن توقتالىپ قالايىن دەپ وتىرعان جوقپىز. ءبىز بۇدان ءارى دە دامي بەرەتىن بولامىز»، - دەدى بەكەن سەيداحمەتوۆ.
ونىڭ سوزىنشە، ق ر ينۆەستيتسيالار جانە دامۋ مينيسترلىگى قازاقستاندى ەۋرووداق ەلدەرىنە ۇشۋعا تىيىم سالىنعان اۋە تاسىمالداۋشىلار تىزىمىنەن شىعارۋعا نيەتتى. «بۇل رەتتە اڭگىمە جەكەلەگەن كومپانيادا ەمەس، بۇكىل قازاقستانعا قاتىستى بولىپ وتىر»، - دەدى ق ر ي د م ازاماتتىق اۆياتسيا كوميتەتىنىڭ باسشىسى.
ونىڭ سوزىنشە، ق ر ينۆەستيتسيالار جانە دامۋ مينيسترلىگى قازاقستاندى ەۋرووداق ەلدەرىنە ۇشۋعا تىيىم سالىنعان اۋە تاسىمالداۋشىلار تىزىمىنەن شىعارۋعا نيەتتى. «بۇل رەتتە اڭگىمە جەكەلەگەن كومپانيادا ەمەس، بۇكىل قازاقستانعا قاتىستى بولىپ وتىر»، - دەدى ق ر ي د م ازاماتتىق اۆياتسيا كوميتەتىنىڭ باسشىسى.
ول سونىمەن قاتار ەۋرووداق ەلدەرىنە ۇشقىسى كەلەتىن ءاربىر كومپانيانىڭ ەۋروكوميسسيانىڭ تەكسەرۋىنەن وتەتىندىگىن ەسكەرتتى. «قازىر وسى باعىت بويىنشا ۇشقىسى كەلەتىندەردىڭ قاتارىندا Scat بار» - دەدى مينيسترلىك وكىلى.
وسى ءماجىلىستىڭ قورىتىندىسى بويىنشا، ەۋروپالىق كوميسسيانىڭ اۋە قاۋىپسىزدىگى كوميتەتى مەن ە و- عا مۇشە ەلدەردىڭ اۆياتسيالىق اكىمشىلىكتەرىنىڭ وكىلدەرى تاراپىنان قازاقستاندىق اۋە كومپانيالارىنىڭ ەۋروپا ەلدەرىنە ۇشۋىنا قويىلاتىن شەكتەۋلەردى الۋ تۋرالى شەشىم قابىلدانادى.
«ەۋروكوميسسيا رەسمي تۇردە شەشىمدى 8- جەلتوقساندا شىعارادى»، - دەدى بەكەن سەيداحمەتوۆ.
