يليا يليننىڭ داۋىنا كىم كىنالى

«بىرەۋدى كىنالاۋعا قاقىم جوق. قازىر الدارىڭىزدا جالعىز ءوزىم وتىرمىن، ءبىز قالاي جەڭسەك، تۋرا سولاي حالىق الدىنا شىعىپ، جەڭىلگەنىمىزدى دە مويىنداۋ كەرەك. مەن ءوزىمدى دە، جاتتىقتىرۋشىلارىمدى دا، اينالامداعى ادامداردى دا كىنالاي المايمىن. ءبىز كىنالاپ ەمەس، وسى جاعدايدان ساباق الۋىمىز كەرەك. قازىر بىرەۋدى كىنالاعاننان ەشتەڭە وزگەرمەيدى. جەڭىسكە جەتكەندە ءبارىمىز قۋانىپ، ءبىر- ءبىرىمىزدى قۇشاقتاعان ەدىك. وسىنداي قيىن جاعدايدا دا سولاي ىستەۋ كەرەك»، - دەدى يليا يلين.

«وتكەندى قازبالاعاندار كىنالى ادامدى ىزدەسىن... سپورتشىلاردى جامان اتتى ەتكىسى كەلسە ءبارىمىز بىرگە توتەپ بەرەيىك. الدارىڭىزدا كىم وتىرسا سول كىنالى بولعانى عوي.. . جارايدى، مەن بۇل جاعدايدى قابىلدادىم جانە ەڭ قيىن سانكتسيالاردى قابىلداۋعا دايىنمىن. كوپتەگەن قىز- جىگىتتەردىڭ سپورتتىق مانسابىنا بالتا شاپتى، ەندى نە بولماق؟ الداعى ۋاقىتتا مىقتى سپورتشىلار ونداي جەرلەردە ونەر كورسەتۋدەن باس تارتادى»، - دەدى يليا يلين.

ەستەرىڭىزگە سالا كەتەيىك، بۇگىن قازاقستان رەسپۋبليكاسى ۇلتتىق وليمپيادالىق كوميتەتى حالىقارالىق وليمپيادالىق كوميتەتى تاراپىنان اعزاسىنان تىيىم سالىنعان پرەپاراتتاردىڭ ءىزى تابىلعان 2008 جانە 2012 -جىلدارداعى وليمپيادا ويىندارىنا قاتىسقان قازاقستاندىق سپورتشى يليا يلينگە قاتىستى جازا قولدانىلعاندىعى تۋرالى رەسمي حابارلاما الدى.

حالىقارالىق وليمپيادالىق كوميتەتىنىڭ تارتىپتىك كوميسسياسى 2008 -جىلى بەيجىڭدە جانە 2012 -جىلى لوندوندا وتكەن وليمپيادا ويىندارىنىڭ جەڭىمپازى، 94 ك گ سالماق دارەجەسىندە ونەر كورسەتكەن قازاقستاندىق اۋىر اتلەت يليا يليننىڭ «ا» جانە «ۆ» دوپينگ سىنامالارىنىڭ قوسىمشا تەكسەرۋ قورىتىندىسى بويىنشا قازاقستاندىق سپورتشىنى سول ويىنداردان شەتتەتىپ، كورسەتكەن ناتيجەلەرىنىڭ كۇشىن جويىپ، جۇلدەلەرىن قايتارىپ الۋ تۋرالى شەشىم شىعاردى.
 اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى