الماتى وبلىسىنىڭ شەندى-شەكپەندىلەرى پارتاعا وتىردى
ماقسات - اكىمدەردىڭ «جۇمىسپەن قامتۋ جول كارتاسى - 2020» مەملەكەتتىك باعدارلاماسىن ءبىلۋ دەڭگەيىن تەكسەرۋ. بارلىعى 400 دەن استام مەملەكەتتىك قىزمەتشى سىناقتان وتەتىن بولادى، دەپ حابارلايدى قازاقپارات ءتىلشىسى.
«جالپى اۋىل اكىمدەرىنىڭ دايىندىعى جامان ەمەس. بارلىعى «جۇمىسپەن قامتۋ جول كارتاسىن» جەتىك مەڭگەرگەن، بىلەدى - قانداي باعىتتاردان تۇرادى، ماقساتى قانداي. ال بۇگىنگى شارانىڭ ماقساتى جۇمىسسىز جۇرگەن ازماتتاردى جۇمىسپەن قامتۋ جانە جۇمىسسىزدىق دەڭگەيىن تومەندەتۋ بولىپ تابىلادى»، - دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمىنىڭ باسشىسى ءاليا ەسىمجانوۆا. ايتا كەتەلىك، بيىل وڭىرگە «جۇمىسپەن قامتۋ جول كارتاسى» اياسىندا 19 ميلليون تەڭگە ءبولىندى. 41 مىڭنان استام ادام جۇمىسپەن قامتىلدى.
