ماقپال يسابەكوۆا: ماسكەۋدە تۋعان ەكى بالام بار
ءانشى بۇرىن-سوڭدى ەش جەردە ايتپاعان قۇپياسىن ءبولىستى. مۇنىمەن قاتار، 12 جىلدان بەرى وتباسىن قۇرۋعا اسىعىپ جۇرگەنىن ايتتى.
بۇل تۋرالى 31 ارنانىڭ "ۇيات ەمەس" باعدارلاماسىندا ايتىلدى.
ماقپال يسابەكوۆانىڭ ۇستازدارى وعان قاتتى رەنجىپ ءجۇر ەكەن. ءتىپتى، تەلەارنا جۋرناليستەرىنە ءانشى تۋرالى سۇحبات بەرۋدەن باس تارتقان. مۇنى ماقپالعا رەنجىپ جۇرگەندىكتەرىمەن تۇسىندىرگەن. دەسە دە، ءانشىنىڭ ءوزى سۇيىكتى ۇستازدارى تۋرالى جامان پىكىر بىلدىرمەگەنىن ايتىپ اقتالدى.
- ءبىز ينستيتۋتكە بارىپ، سەنىڭ ۇستازدارىڭنان سۇحبات الماق بولعانىمىزدا، ولار باس تارتتى. نەگە؟
- بۇل سوزدەرىڭىزدى ەستىپ قاتتى تاڭ قالىپ تۇرمىن. سەبەبى، مەن مۇندايدى ايتۋىم مۇمكىن ەمەس. ۇستازدارىم مەن ءوزىم 4 جىل بويى ءبىلىم العان Alma Mater تۋرالى بۇلاي ايتۋىم مۇمكىن ەمەس.
- ءبىزدىڭ قازاقتار باعدارلامانى كورىپ وتىرىپ «مىنا ەكى قازاق نەگە ورىسشا سايراپ وتىر» دەپ جاتقان شىعار. بۇل سەن ءۇشىن ۇيات پا؟
- جوق بۇل مەن ءۇشىن ۇيات ەمەس. مەن ءوز ءتىلىمدى جاقسى بىلەمىن. بەسكە بىلەمىن. قۇرمەتتەيمىن. كەيدە ورىس مەكتەبىندە وقىعاندىقتان، ورىسشا سويلەپ كەتەمىن. اينالامنىڭ بارلىعى ورىس تىلىندە سويلەگەندىكتەن دە بولار. ءبىراق ۇيدە قازاقشا سويلەپ وسكەن بالامىن.
- ەرنىڭىزگە پلاستيكالىق وتا جاساتتىڭىز با؟
- مەنىڭ ەرنىم نەگىزى ەشكىمگە مازا بەرمەيدى عوي دەيمىن. بىرىنشىدەن، بۇل مەنىڭ جەكە شارۋام. ەكىنشىدەن، مەن بىرەۋدىڭ الدىندا اقتالۋعا مىندەتتى ەمەسپىن. مەن سپورت زالىنا بارىپ، ۇزدىكسىز ديەتا ۇستايمىن. كوپ ادام مەنى ميلليونداعان پلاستيكالىق وتا جاساتتى دەپ ويلايدى. ءتىپتى، ارنايى بلەفوروپلاستيكا دەگەن ءسوزدى جاتتاپ الدىم. مۇرنىمدى دا، جاعىمدى دا وزگەرتتى دەپ ويلايدى. شىن مانىندە، مەن تەك ەرنىمنىڭ ءۇستىن ۇلكەيتتىم. ونىڭ وزىندە، اسسيمەتريالى بولعاندىقتان عانا وتا جاساتتىم.
ءبىز 21- عاسىردا ءومىر ءسۇرىپ جاتىرمىز. ءبىر نارسەنى وزگەرتۋگە قۇقىعىمىز دا، مۇمكىندىگىمىز دە بار. ەرىن بىردەن كوزگە تۇسەتىندىكتەن، بۇكىل بەت- الپەتىمدى وزگەرتكەندەي اسەر قالدىرامىن. مەن قاتتى قالاسام دا، پىشاققا تۇسپەيمىن. سەبەبى، مەندە ناتيجەسى ۇناماي قالسا شە دەگەن وي تۇرادى. ءبىراق، 25-30 جىلدان كەيىن بەتىمدى تارتتىرۋىم مۇمكىن. ول كەزدە مەن جوعالتاتىنداي ەشنارسە بولمايدى. 58 جاسىمدا «جۇرىڭدەر، كەتتىك جاسايمىز» دەپ تە ايتا الامىن. وسى سۇراققا كوپتەن بەرى جاۋاپ بەرگىم كەلىپ ءجۇر ەدى.
- ەريك تاستامبەكوۆ ەكەۋىڭىزدىڭ ارالارىڭىزدا ماحاببات بولدى ما؟
- ارينە، بولدى. ماحابباتسىز مۇنداي ناتيجەگە جەتە المايتىن ەدىك دەپ ويلايمىن. مەن بوستىڭ مەنى جاقسى كورگەنىن، ءالى دە جاقسى كورەتىنىن بىلەمىن. ول ءوز ءىسىنىڭ مامانى. مەن ونىڭ جوباسى بولعانىمدا ءوزىمدى جان- جاعىنان قورعالعان بالاداي سەزىنەتىنمىن. مەن تەك قانداي ءان جازامىن، قانداي كيىم كيەمىن، قاي تۇسىرىلىمگە بارامىن دەگەن سياقتى ماسەلەلەردى عانا ويلايتىنمىن. مەن ول ادامدى جاقسى كورەمىن، قاتتى سىيلايمىن.
- سوڭعى ۋاقىتتا ءوزىڭ تۋرالى قانداي قىزىقتى الىپ- قاشپا سوزدەر ەستىپ ءجۇرسىڭ؟
- مەنىڭ ەكى بالام بار. مەن ولاردى ماسكەۋدە تۋدىم. ءبىرى ولاردىڭ اكەسى دومينيك دجوكەر دەپ ويلايدى. ەكىنشىلەرى كەرىسىنشە اكەلەرى يۆان برەۋسوۆ ەكەنىن ايتادى. مەن ماسكەۋگە سول بالالاردى تۋۋ ءۇشىن بارعان ەكەنمىن. (كۇلدى.) جيەنىم مانسۇردى مەنىڭ بالام دەپ ويلايدى. ول مەنىڭ بالام بولسا، مەن نەگە جاسىرۋىم كەرەك ەكەن؟ جارايدى ونى نەكەسىز تۋدىم دەلىك. مۇنداي باقىتتى مەن نەگە جاسىرۋىم كەرەك ەكەن؟
- بالا تۋعىڭ كەلمەي مە؟ ۋاقىتىڭ كەلدى عوي.
- ۋاقىتى كەلدى دەگەن نە ءسوز؟ وسىنى تۇسىنبەيمىن. ءبىر ادام ساعات 10 دا ۇيىقتايدى، ەندى ءبىرى كەشكى 7 دە جاتىپ قالادى. اركىمنىڭ ءوزىنىڭ ۋاقىتى بار. مەنىڭ اپكەم 19 جاستا تۋدى. 32 جاستاعى قىز رەتىندە بالانى ءوزىم ءۇشىن تۋعانىم ابەستىك بولار. ەرتەڭ ول كەلىپ، "اكەم قايدا؟" دەپ سۇرايدى. مەن "سەنى ءوزىم ءۇشىن تۋدىم" دەپ جاۋاپ بەرەمىن. ەگەر مىنەزى مەنىكىندەي شاتاقتاۋ بولسا، ونىڭ ماعان تاعى نە ايتارىن بىلمەيمىن. جالپى ءتورت بالام بولعانىن قالايمىن. مەن تۋسام، بىرىنەن كەيىن ءبىرىن تۋار ەدىم. ەگىز تۋسام، نۇر ۇستىنە نۇر بولار ەدى. مەن وتباسى ءۇشىن بارىنەن باس تارتۋعا دايىنمىن. 12 جىلدان بەرى وسىنى كۇتىپ ءجۇرمىن. مەن حانزادامدى ەمەس، ەر ازاماتىمدى كۇتىپ ءجۇرمىن.
