جامبىل وبلىسىنىڭ اۋىلدارى ىشىمدىك ساتۋدان باس تارتتى - فوتو
«قازاقستان اۋماعىندا شامامەن 50-60 مىڭ دۇنگەن تۇرادى، ولاردىڭ دەنى جامبىل وبلىسىندا، قورداي مەن جامبىل اۋداندارىنىڭ جالپاقتوبە، ماسانشى، سورتوبە اۋىلدارىندا ءومىر سۇرەدى»، - دەدى جامبىل وبلىسىنداعى «ۆىنحۋا» دۇنگەن مادەني ورتالىقتارى قاۋىمداستىعىنىڭ جەتەكشىسى رۋسلان يسمازوۆ.
«دۇنگەندەر ءوز مادەنيەتىن، تۋعان ءتىلىن، سالت- ءداستۇرىن ساقتاي وتىرىپ، جاستاردى اتا- بابانى قۇرمەتتەۋگە، ۇلكەندەردى سىيلاۋعا جانە ەڭبەكقورلىققا ۇيرەتىپ كەلەدى»، - دەپ اتاپ ءوتتى ول. 
وسىلايشا، دۇنگەن اقساقالدارى جاستاردىڭ باسىنداعى كەلەڭسىزدىكتەر الكوگول سالدارىنان تۋىندايدى دەگەن شەشىمگە كەلدى. ارداگەرلەر مەن مەشىت يمامدارى كاسىپكەرلەرگە ءوتىنىش ءبىلدىرىپ، دۇكەن سورەلەرىنەن تەمەكى مەن ىشىمدىك ونىمدەرىن الىپ تاستاۋدى سۇرادى.
«قورداي اۋدانىنىڭ بىرنەشە اۋىلىندا، سونداي-اق جامبىل اۋدانىنداعى جالپاقتوبە اۋىلىندا دۇكەندەر اراق-شاراپ پەن شىلىم ساتۋدان تولىعىمەن دەرلىك باس تارتتى»، - دەدى ر. يسمازوۆ. 
ونىڭ ايتۋىنشا، اۋىلداردا قۇقىقبۇزۋشىلىقتار سانى ەداۋىر ازايىپ، جاستار سالاۋاتتى ءومىر سالتىن ۇستاناتىن بولعان. بۇگىندە قازاقستان حالقى اسسامبلەياسى جاستار تاربيەسىنە، ولاردىڭ قوعامداعى ورنىنا اسا ءمان بەرىپ وتىر.
