مينيستر مەملەكەتتىك ەمتيحاننان «قازاقستان تاريحى» ءپانىن الىپ تاستاۋ تۋرالى ۇسىنىسقا پىكىر ءبىلدىردى
مينيستر ءوز سوزىندە ۆەدومستۆونىڭ ۇ ب ت سۇراقتارىندا «قازاقستان تاريحى» ءپانىن ساقتاپ قالۋدى جاقتايتىنىن اتاپ ءوتتى.
«ەكى ۇسىنىس كوبىرەك ايتىلدى. مەن مينيسترلىكتىڭ ۇستانىمىن ايتقىم كەلەدى. ءبىرىنشىسى، ۇ ب ت- دان «قازاقستان تاريحى» ءپانىن الىپ تاستاۋ. شىن مانىندە، بۇگىنگە ول ەكى رەت تاپسىرىلىپ ءجۇر - مەكتەپتە جانە ۇ ب ت- دا. ءبىراق ءبىز بۇل ءپاندى قالدىرۋ كەرەك دەپ ەسەپتەيمىز، سەبەبى، قوعامنىڭ پىكىرى بويىنشا، ءپان وتە ماڭىزدى جانە ۇ ب ت- دا بولۋى ءتيىس. ەكىنشىسى، «التىن بەلگى» يەگەرلەرىن جانە ءتۇرلى وليمپيادالار مەن كونكۋرستاردىڭ جەڭىمپازدارىن، عىلىمي جوبا جەڭىمپازدارىن ۇ ب ت- دان بوساتۋ. ءبىز بۇل ۇسىنىستى دا قولدامايمىز. ۇ ب ت- نى بارلىعى تاپسىرۋى كەرەك دەپ ەسەپتەيمىز»، - دەدى ەرلان ساعادييەۆ.
ەرلان ساعاديەۆتىڭ ايتۋىنشا، مينيسترلىك قورىتىندى اتتەستاتسيالاۋدى ءبولۋ جۇمىستارىن جۇرگىزگەن. ەندى تۇلەكتەر مەكتەپتى ءبىتىرۋ سىناعىن جانە ج و و- عا قابىلداۋ ەمتيحانى رەتىندە ۇ ب ت تاپسىرادى. مەكتەپتەگى قورىتىندى اتتەستاتسيا 5 پاننەن تۇرادى، ونىڭ 4 ۋى مىندەتتى، 1 ءپان - تاڭداۋ بويىنشا.
ۇ ب ت ج و و- عا قابىلداۋ ەمتيحانى جانە مەملەكەتتىك گرانتتاردى ءبولۋ جۇيەسى رەتىندە ساقتالادى، ءبىراق ونىڭ فورماتى وزگەرەدى. بۇرىن 5 پاننەن 125 سۇراق بەرىلىپ، ونىڭ ىشىنەن 4 ءپان بويىنشا 100 سۇراق ەسەپتەلەتىن. ال 2017 -جىلعى ۇ ب ت فورماتىندا 120 سۇراق قاراستىرىلىپ، بارلىعى ەسەپتەلەدى. كەيبىر سۇراقتاردىڭ جاۋابىنا 2 بالل بەرىلەتىندىكتەن، ەڭ جوعارعى كورسەتكىش - 140 بالعا تەڭ.
ساۋالدار 5 پاننەن قويىلادى، ولاردىڭ 3 ۋى مىندەتتى، 2 ۋى تالاپكەر جوسپارلاعان ج و و- داعى ماماندىققا بايلانىستى بەيىندىك ءپان بولادى. تەستىلەۋ ۋاقىتى دا وزگەرمەيدى - 3 ساعات 30 مينۋت. ءوتۋ بالى دا وزگەرگەن جوق - 50 بالل.
2017 -جىلى ۇ ب ت 20 -ماۋسىم مەن 1 -شىلدە ارالىعىندا وتەدى، سونداي-اق تۇلەكتەرگە ونى 2017 -جىلدىڭ تامىزى مەن 2018 -جىلدىڭ قاڭتارىندا قايتا تاپسىرۋعا مۇمكىندىك بەرىلەدى.
ايتا كەتەيىك، ۇ ب ت بەيىندىك پاندەرى 20 ساۋال مەن ونىڭ بەس ءتۇرلى جاۋاپ نۇسقاسىنان تۇرادى. سونىمەن قاتار، تۇلەكتەرگە 10 تاپسىرما بەرىلىپ، ونىڭ كوپتەگەن جاۋاپتارىنىڭ ىشىنەن دۇرىستارىن تاڭداۋ ۇسىنىلادى. بەيىندىك پاندەردى تەستىلەۋدەگى جاۋاپتاردىڭ بىرنەشە نۇسقاسىنىڭ بولۋى تالاپكەردىڭ ناقتى تاقىرىپتى قانشالىقتى جاقسى بىلەتىندىگىن تەكسەرۋگە مۇمكىندىك بەرەدى. سونداي- اق بىرنەشە جاۋاپ نۇسقاسى ارقىلى تەستىلەۋ جاۋاپتاردى كەزدەيسوق بەلگىلەۋدى بولدىرماۋعا كومەكتەسەدى.
ال وسىعان دەيىن ماماندار ۇ ب ت- نىڭ جاڭا فورماتىنىڭ باسىمدىقتارى جايلى پىكىر بىلدىرگەن بولاتىن.
