سانكت-پەتەربوردا ءاليحان بوكەيحان ۇلىنىڭ ەسكەرتكىش ءمۇسىنى ورناتىلدى
بيۋست رەسەيدىڭ العاشقى دۋماسىنىڭ وتىرىسى وتكەن تاۆريا سارايىنداعى ت م د پارلامەنتارالىق اسسامبلەياسىنىڭ شتاب-پاتەرىنە قويىلدى. ءمۇسىندى جاساعان ءومىرزاق شاڭوۆ، دەپ حابارلايدى سەناتتىڭ باسپا ءسوز قىزمەتىنەن. سالتاناتتى اشا كەلىپ، سەنات ءتوراعاسى قاسىم- جومارت توقايەۆ «قازاقستان تاۋەلسىزدىگىنىڭ 25 جىلدىعى مەن ⅩⅩ عاسىردىڭ باسىنداعى كورنەكتى قازاق زيالىسىنىڭ تۋعانىنا 150 جىل تولعانى اتالىپ وتەتىن جىلى بيۋستىنىڭ سانكت- پەتەربورداعى تاۆريا سارايىنا ورناتىلۋى ەرەكشە ماعىناسى بار ەكەنىن اتاپ ءوتتى. ءتوراعا وسى مەرەيتويعا بايلانىستى ەستەلىك شارالار يۋنەسكو اياسىندا ءوتىپ وتىرعانىن ەسكە سالدى. «ءاليحان بوكەيحانوۆتىڭ قىزمەتى بيىك ادامگەرشىلىكتىڭ، ۇلتتىق جانە ازاماتتىق پارىزىنا كىرشىكسىز ادالدىق پەن شىنايى بەرىلۋدىڭ ۇلگىسى بولىپ تابىلادى» ، - دەپ اتاپ ءوتتى سەنات ءتوراعاسى.
سالتانات بارىسىندا قازاقستان پارلامەنتى ءماجىلىسىنىڭ ءتوراعاسى نۇرلان نىعماتۋلين، ت م د پ ا ا كەڭەسىنىڭ ءتوراعاسى، رەسەي فەدەراتسيا كەڭەسىنىڭ ءتوراعاسى ۆالەنتينا ماتۆيەنكو، رەسەي مەملەكەتتىك دۋماسىنىڭ ءتوراعاسى ۆياچەسلاۆ ۆولودين، ازەربايجان ميللي مەدجليسىنىڭ ءتوراعاسى وكتاي اسادوۆ ءسوز سويلەدى.
«بۇگىنگى تاڭدا قازاقستان مەن رەسەي ەكى ەلدىڭ باسشىلارى نۇرسۇلتان نازاربايەۆ پەن ۆلاديمير پۋتيننىڭ ساليقالى ساياساتىنىڭ ارقاسىندا ەۋرازيا كەڭىستىگىندەگى ينتەگراتسيانىڭ قوزعاۋشى كۇشىنە اينالىپ وتىر. وسى ورايدا، ءبيۋستتىڭ تانىستىرىلۋ سالتاناتى قازاقستان تاۋەلسىزدىگىنىڭ 25 جىلدىعىنا وراي ءوتۋىنىڭ سيمۆوليكالىق ءمانى بار. وتكەن جىلدار ىشىندەگى بىزدەردىڭ مەملەكەتتەرىمىزدىڭ قارىم- قاتىناسى ىلگەرىلەمەلى دامۋدى ايشىقتاپ، ت م د كەڭىستىگىندە ستراتەگيالىق جانە وداقتاستىق سەرىكتەستىكتىڭ جارقىن ۇلگىسى بولا ءبىلدى»، - دەدى نىعماتۋلين.
سالتاناتتى شارانى اياقتاي كەلىپ ق. توقايەۆ، ءا. بوكەيحانوۆتىڭ بيۋستى رەسەي، قازاقستان جانە دوستاستىق ەلدەرىنىڭ اراسىنداعى تاريحي بايلانىستار ۋاقىتى مەن دوستىق قارىم- قاتىناستاردىڭ بەلگىسىنە اينالاتىنىنا نىق سەنىم ءبىلدىردى.
