ماڭعىستاۋ اكىمدىگى التى جاسار ۆيكتوريانىڭ مۇردەسىن اقتاۋعا جەتكىزۋگە جاردەمدەسەدى

بۇل تۋرالى ماڭعىستاۋ وبلىسى اكىمىنىڭ ورىنباسارى بانۋ نۇرعازيەۆا ءمالىم ەتتى، دەپ حابارلادى «قازاقپارات» ح ا ا ءتىلشىسى.

- ۆيكتوريانىڭ اتا-اناسىنا، تۋىستارى مەن جاقىندارىنا قايعىرىپ، كوڭىل ايتامىز. بۇلاي اياقتالعانى وكىنىشتى جاعداي. جازىلىپ كەتەدى دەپ ۇمىتتەنگەن ەدىك. بۇدان بۇرىن وبلىس اكىمدىگى ونى استاناعا ۇلتتىق انا مەن بالا ورتالىعىنا اپارۋعا كومەكتەسكەن. ۆيكتوريانىڭ مۇردەسىن ۇيىنە اكەلۋگە، اقتاۋدا جەرلەۋ ءراسىمىن ۇيىمداستىرۋعا دا جاردەمدەسەمىز.

قازىر اۆياتاسىمالداۋشىلارمەن كەلىسىپ جاتىرمىز. زاڭدى قۇجاتتارى دايىن بولعان سوڭ، بىردەن ىسكە كىرىسەمىز، - دەدى بانۋ نۇرعازيەۆا.

ەسكە سالساق، 20 -تامىزدا 1-29 -مەكەنجايى بويىنشا «يۆانىچ» دۇكەنى ماڭىندا التى جاسار قىز جوعالىپ كەتكەن. بىرنەشە ساعاتتان كەيىن پوليتسيا ونى ونەركاسىپ ايماعى جاعىنان تاپتى. 6 جاسار ۆيكتوريا جاراقاتتارمەن بالالار اۋرۋحاناسىنا جەتكىزىلدى. دارىگەرلەر قىزدى زورلاعانىن انىقتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى