ورتاعاسىرلىق «تالعار» قالاشىعى يۋنەسكو- نىڭ بۇكىل الەمدىك مۇرالار تىزىمىنەن الىنبايدى
ساپار بارىسىندا تاراپتار قازاقستان مەن يۋنەسكو اراسىنداعى ىنتىماقتاستىقتىڭ باسىم باعىتتارىن تالقىلادى. كەزدەسۋ بارىسىندا ۆيسە- پرەمەر يۋنەسكو مانداتى جانە جالپى ب ۇ ۇ اياسىنداعى ەلىمىزدىڭ باستامالارىنا كورسەتكەن تۇراقتى قولداۋى ءۇشىن ريزاشىلىعىن ءبىلدىردى.
اتاپ ايتقاندا، يۋنەسكو باس كونفەرەنسياسىنىڭ 38- سەسسياسى بارىسىندا ق ر پرەزيدەنتى نۇرسۇلتان نازاربايەۆ يۋنەسكو- نىڭ شتاب- پاتەرىندە بولدى. وندا مەملەكەت باسشىسى الماتى قالاسىندا يۋنەسكو- نىڭ باسشىلىعىمەن 2- ساناتتى حالىقارالىق مادەنيەتتەردى جاقىنداستىرۋ ورتالىعىن قۇرۋ باستاماسىن ۇسىنعان ەدى. يمانعالي تاسماعامبەتوۆتىڭ ايتۋىنشا، ق ر پرەزيدەنتىنىڭ ساپارىنان كەيىن وسى باستامانى جۇزەگە اسىرۋ ءۇشىن تاراپتار ايتارلىقتاي جۇمىستار جۇرگىزدى. بۇل ورتالىق مادەنيەتتەر جاقىنداسۋىنىڭ حالىقارالىق ونجىلدىعى اياسىنداعى جوبالاردى ىسكە اسىرۋعا جانە جالپى الەۋمەتتىك عىلىمداردىڭ دامۋىنا قولداۋ كورسەتەدى.
«2016 -جىلعى قازان ايىندا يۋنەسكو- نىڭ شتاب- پاتەرىندە الماتىنىڭ 1000 جىلدىعىن مەرەكەلەۋگە ارنالعان ءىس- شارالاردى وتكىزۋدە بارىنشا قولداۋ كورسەتكەنىڭىز ءۇشىن العىس بىلدىرەمىن. قازاقستان ۇكىمەتى يۋنەسكو- مەن ىنتىماقتاستىق دەڭگەيىن جوعارى باعالايدى جانە ۇيىمنىڭ قۇزىرىنا كىرەتىن بارلىق سالادا بىرلەسكەن جوبالار مەن ءىس- شارالاردى جۇرگىزۋگە قولداۋ كورسەتەدى»، - دەدى كەزدەسۋ بارىسىندا يمانعالي تاسماعامبەتوۆ.
ەسكە سالا كەتەيىك، اعىمداعى جىلدان باستاپ قازاقستان «باتىس تيان- شان» ترانس ۇلتتىق نوميناتسياسى بويىنشا يۋنەسكو- نىڭ مۇرالار تىزىمىنە ەندى. بۇل تۇراقتى دامۋ جانە بيولوگيالىق ءارالۋاندىلىقتى ساقتاۋ سالاسىندا حالىقارالىق ىنتىماقتاستىقتى بەلسەندى جۇرگىزۋگە قوسىمشا سەرپىن بەردى. الايدا، وسى باعىتتاعى جەتىستىكتەرگە قاراماستان، ىنتىماقتاستىق اياسىندا تالعار قالاشىعى ماڭىندا جول قۇرىلىسىن سالۋعا بايلانىستى پروبلەمالىق سۇراقتار تۋىندادى.
«قازاقستاننىڭ تاريحي نىساندى يۋنەسكو- نىڭ بۇكىل الەمدىك مۇرالار تىزىمىندە ساقتاۋ جانە وسى ۇيىمنىڭ تالاپتارىنا سايكەس جۇمىس جۇرگىزۋ ماقساتىندا وسىدان بىرنەشە اپتا بۇرىن ەل ۇكىمەتى «تالعار» قالاشىعى اۋماعىندا بارلىق قۇرىلىس جۇمىستارىن توقتاتۋعا تاپسىرما بەردى»، - دەپ اتاپ ءوتتى يمانعالي تاسماعامبەتوۆ. كەزدەسۋ اياسىندا جىبەك جولىنىڭ العاشقى چاڭان- تيانشان دالىزىندەگى 8 قازاقستاندىق ەسكەرتكىشتى يۋنەسكو- نىڭ بۇكىلالەمدىك مۇرالار تىزىمىندە ساقتاۋ جونىندە كەلىسىمگە قول جەتتى. سونداي- اق، قازاقستان ۆيتسە- پرەمەرىنە اتالعان نىساندى بۇكىلالەمدىك مۇرالار تىزىمىنە قوسۋ تۋرالى سەرتيفيكات تاپسىرىلدى.
