قىزىلوردادا مۇز قۇرساۋىندا قالعان اققۋلار قۇتقارىلدى
ابدەن السىرەپ، قاۋىرسىنىنا مۇز قاتقان اققۋلاردى الدىمەن قالا تۇرعىندارى بايقاپ، توتەنشە جاعداي قىزمەتىنە حابارلاعان. قازىرگى تاڭدا سۇلۋلىق نىشانىنا بالانعان قاناتتىلار ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ ماماندارىنىڭ قاراۋىندا.
مامانداردىڭ ايتۋىنشا، اققۋلار ارتىق سالماقتارى سالدارىنان ۇشىپ كەتە الماعان. ولار قالىپقا كەلگەننەن كەيىن بوستاندىققا جىبەرىلەدى نەمەسە شىمكەنت زووباعىنا تاپسىرىلادى.
«ءبىرىنشى كۇنى اققۋلاردى ۇستاۋ قيىندىق تۋعىزدى. بۇگىن ساعات 09:00 شاماسىندا ورمان شارۋاشىلىعى قىزمەتكەرلەرىمەن بىرلەسىپ، ەكەۋىن ۇستادىق. بىرەۋى ۇشىپ كەتتى دەپ ايتىلدى»، - دەيدى «وڭتۇستىك وڭىرلىك ايەروموبيلدى جەدەل- قۇتقارۋ جاساعى» باسشىسىنىڭ ورىنباسارى مەيرامبەك دوسپەنبەتوۆ.
دەرەككوز: «حابار 24» تەلەارناسى.
