نۇرباقىت تەڭىزبايەۆقا رەسمي تۇردە بەيجىڭ وليمپياداسىنىڭ كۇمىس جۇلدەسى بەرىلدى
بۇل تۋرالى unitedworldwrestling.org حالىقارالىق سايتىندا جاريالاندى. وسىدان ءبىراز كۇن بۇرىن «گرەك-ريم كۇرەسى بويىنشا قازاقستاندىق بالۋان نۇرباقىت تەڭىزبايەۆقا 2008-جىلى بەيجىڭ وليمپياداسىنىڭ كۇمىس جۇلدەسى بەرىلۋى مۇمكىن» دەپ بارلىق اقپارات قۇرالدارى سۇيىنشىلەپ جازدى.
الايدا، بالۋاننىڭ ءوزى بۇل ماسەلەگە بايلانىستى: «قۇرمەتتى دوستار! بەيجىڭ وليمپياداسى مەن ءۇشىن سپورتتىق مانسابىمنىڭ شىڭى بولدى. ءاربىر سپورتشى وليمپيادا ويىندارىنىڭ جەڭىمپازى نەمەسە جۇلدەگەرى بولعىسى كەلەتىنى انىق. سپورتتا ۇزاق ۋاقىت ءجۇرىپ، ەشقاشان جەڭىلدىڭ استىمەن اۋىردىڭ ۇستىمەن جۇرگەندى قولدامايتىنمىن جانە قولدامايمىن دا. قانداي مەدال بولسىن، ونى كىلەم ۇستىندە جەڭىپ العاندى قولدايمىن. ءدال سول كۇنى، مەنى ازەربايجان بالۋانى ۆيتاليي راگيموۆ ۇتقان بولاتىن، ۆيتاليدى تالانتتى دا مىقتى بالۋان رەتىندە تانيمىن. سول كۇنى ءۇشىنشى ورىن يەلەنۋ مەنىڭ ماڭدايىما جازىلعان بولار، ماعان ءوزىمنىڭ ۇتقان قولا مەدالىم اسا قىمبات. كۇمىس ۆيتاليگە جانە ونىڭ جانۇياسىنا تيەسىلى. ول مەدالدىڭ ارتىندا كوپتەگەن ادامنىڭ ەڭبەگى جاتىر. كۇمىس سول ەڭبەكتىڭ جەمىسى دەپ ويلايمىن! سىزدەردىڭ جىلى لەبىز جانە قولداۋلارىڭىزعا ۇلكەن العىس ايتامىن»، - دەپ مالىمدەگەن بولاتىن.
ءبىراق، تەڭىزبايەۆتىڭ قارسىلاسى ۆيتالي دوپينگ قولدانعانى ءۇشىن مەدالىنەن ايىرىلىپ، ەسەسىنە ح و ك ونىڭ جۇلدەسىن وليمپيادا دا ءۇشىنشى ورىن العان قازاقستاندىق بالۋاننىڭ ەنشىسىنە جازدى.
اۆتور: كۇنسۇلتان وتارباي
