فيزيكا زاڭدارىن بۇزاتىن قوزعالتقىش پايدا بولدى

ايتا كەتەيىك، بارلىق فيزيكا زاڭىنىڭ اياسىندا EmDrive قوزعالتقىشى جايلى وسى ۋاقىتقا دەيىن تۇسىنىكسىز بولىپ كەلگەن ەدى. سوندىقتان جاريالانعان ماقالاعا ساراپشىلار ءوز پىكىرلەرىن ءبىلدىردى، - دەپ جازادى Lenta.ru.

جالپى بۇل قوزعالتقىش ماگنەتروننان، ءوندىرۋشى ميكروتولقىنداردان جانە تەربەلىس ۋاقىتىندا ەنەرگيانى ساقتايتىن رەزوناتوردان، ياعني دىبىستى كۇشەيتەتىن قۇرالدان تۇرادى. ال ءتۇرى ءبىر جاق شەتىنەن تۇرعان شەلەككە ۇقسايدى. ينجەنەرلەردىڭ ايتۋىنشا، قوزعالتقىشتىڭ مۇنداي قۇرىلىمى كۇشتى تۇرلەندىرۋگە كومەكتەسەدى. سونداي-اق، قوزعالتقىشتى قۇراستىرۋشىلاردىڭ ايتۋىنشا، بۇل عىلىمي جاڭالىق وتىنسىز-اق جۇمىس ىستەي الادى.

سونداي-اق، ماقالادا EmDrive قوزعالتقىشىنىڭ ۆاكۋۋمداعى تارتۋ كۇشى 1,2 ميللينيۋتون ەكەنى ايتىلادى.

ايتا كەتەيىك، جاريالانعان ماقالا اۆتورلارى گارولد ۋايت، پول مارچ، دجەيمس لوۋرەنس، دجەرري ۆەرا، اندرە سيلۆەستر، دەۆيد برەيدي مەن پول بەيلي ليندون دجونسون اتىنداعى عارىش ورتالىعىندا (NASA) جۇمىس ىستەيدى ەكەن. باسىلىمنىڭ مالىمەتىنشە، قوزعالتقىشتىڭ سوڭعى نۇسقاسىن ويلاپ تاپقان رودجەر شويەر 2016-جىلدىڭ قازان ايىندا ونى پاتەنتتەپ قويعان.

ءبىراق چەح فيزيگى ليۋبوش موتل عالىمداردىڭ EmDrive قوزعالتقىشى جايلى جازعان ماقالاسىنان ءبىراز قاتە تاپتى. «ماقالادا NASA ءسوزى 10 رەت كەزدەسەدى. جانە 8 رەت ماقالا اۆتورلارىنىڭ اتىن كورسەتكەن كەزدە كەزدەسەدى. بۇل جەردە NASA ءسوزىن قايتا-قايتا جازا بەرۋ اۆتورلاردىڭ وزدەرىنىڭ ەسىمدەرىن ەستە قالدىرۋ ءۇشىن جاساپ وتىرعان كەزەكتى قۋلىعى»، - دەپ كەلتىرەدى چەح فيزيگىنىڭ ءسوزىن ر ي ا نوۆوستي.

ونىڭ ايتۋىنشا، ماقالا اۆتورلارى راسىندا دا ءبىر كۇشتىڭ تارتىلعانىن تىركەي العان. الايدا موتلدىڭ ايتۋىنشا، وسىنداي ماقالانى عىلىمي جۋرنالدا جاريالاۋ باسىلىمنىڭ بەدەلىن تۇسىرۋمەن تەڭ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى