بۇگىن - جازۋشى تاكەن ءالىمقۇلوۆ دۇنيەگە كەلگەن كۇن

98 جىل بۇرىن (1918-1987) اقىن، جازۋشى، ادەبيەت سىنشىسى تاكەن ءالىمقۇلوۆ دۇنيەگە كەلدى.

وڭتۇستىك قازاقستان وبلىسىنىڭ سوزاق اۋدانىندا تۋعان. ماسكەۋدەگى ادەبيەت ينستيتۋتىن بىتىرگەن. شىمكەنت قورعاسىن زاۋىتىندا جۇمىس ىستەگەن. 1945-1974-جىلدارى «وڭتۇستىك قازاقستان» گازەتىندە جاۋاپتى حاتشى، «لەنينشىل جاس» (قازىرگى «جاس الاش») گازەتىندە ءبولىم مەڭگەرۋشىسى، ك س ر و جانە قازاقستان جازۋشىلار وداعىندا ادەبي كەڭەسشى بولعان.

شىعارمالارى 1945-جىلدان جاريالانا باستاعان.

العاشقى ولەڭدەر جيناعى «ساپار» دەگەن اتپەن 1950-جىلى جارىق كورگەن. قالامگەردىڭ «جازعى جاڭبىر»، «قاراتاۋ ورنەكتەرى» ولەڭدەر مەن پوەمالارى، «سەيتەك سارىنى»، «تۋعان اۋىلدا»، «كۇرەڭ وزەن»، «كەرتولعاۋ»، «شەجىرەلى ساحارا»، «كوكەك ايى» اڭگىمەلەر مەن پوۆەستەر جيناعى، «اقبوز ات»، «تۇلپاردىڭ تاعدىرى»، «ەل مەن جەر»، «زامانا ەكپىنى» روماندارى شىققان.

اباي قۇنانبايەۆ تۋرالى «جۇمباق جان» زەرتتەۋ ەڭبەگىن جارىققا شىعارعان. كوركەم اۋدارما سالاسىندا م. لەرمونتوۆتىڭ «يزمايل بەي» پوەماسىن، پ. پاۆلەنكونىڭ «باقىت»، گ. نيكولايەۆانىڭ «وراق ۇستىندە» روماندارىن، ە. سەنت-ەكزيۋپەريدىڭ «كىشكەنتاي شاھزادا» ەرتەگىسىن، سونداي-اق ا. پۋشكيننىڭ، ۆ. ماياكوۆسكيدىڭ، نيزاميدىڭ ولەڭدەرىن قازاق تىلىنە ءتارجىمالاعان. «حالىقتار دوستىعى» وردەنىمەن ماراپاتتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى