قازاقستان مەن چەحيانىڭ سىرتقى ىستەر مينيسترلەرى ساۋدا-ونەركاسىپتىك سالادا ىنتىماقتاستىقتى دامىتۋعا كەلىستى
سىرتقى ساياسات ۆەدومستۆولارىنىڭ باسشىلارى ماشينا قۇراستىرۋ، ەنەرگەتيكا، «جاسىل ەكونوميكا»، اۋىل شارۋاشىلىعى، اسكەري- ونەركاسىپتىك كەشەن، ءبىلىم بەرۋ، دەنساۋلىق ساقتاۋ جانە تۋريزم سالالارىنداعى ەكىجاقتى ىنتىماقتاستىقتىڭ، سونىمەن قاتار قازاقستان - ەۋروپا وداعى جانە ەۋرازيالىق ەكونوميكالىق وداق - ەۋروپا وداعى جۇيلەرەنىڭ ءوزارا ءىس-قيمىل جاساسۋدىڭ وزەكتى ماسەلەلەرى مەن كەلەشەگىن قاراستىردى.
كەلىسسوزدەر بارىسىندا ە. ىدىرىسوۆ چەحيانى ساۋدا-ونەركاسىپتىك جانە ينۆەستيتسيالىق سالالاردا ايتارلىقتاي الەۋەتى بار، قازاقستاننىڭ سەنىمدى سەرىكتەسى جانە ەۋروپا وداعىنىڭ ماڭىزدى مۇشەسى ەكەنىن اتاپ ءوتتى.
ول قازاقستانداعى ينۆەستيتسيالىق احۋالدىڭ ارتىقشىلىقتارى تۋرالى ايتىپ، وسى كۇندەرى استانا مەن الماتىدا ءوتىپ جاتقان قازاقستان-چەحيا بيزنەس-فورۋمدارىنداعى چەحيانىڭ 30 دان استام ىسكەري ورتا وكىلدەرىنىڭ قاتىسۋىن قۇپتايتىنىن ايتتى.
«ءبىزدىڭ ورتاق جۇمىسىمىزدىڭ باستى نازارىندا ەكى ەلدىڭ ىسكەري ورتالارى اراسىنداعى تىكەلەي ديالوگ پەن سەرىكتەستىككە بەلسەندى تۇردە اتسالىسۋ بولۋى كەرەك»، - دەدى ە. ىدىرىسوۆ. ە. ىدىرىسوۆ، سونداي-اق، چەحيانىڭ قازاقستاندىق تۋريستەر مەن ستۋدەنتتەردىڭ كوپ باراتىن باعىتتارىنىڭ ءبىرى ەكەنىن اتاپ ءوتتى.
قازىرگى تاڭدا 2 مىڭنان استام ادام چەحيانىڭ جوعارعى وقۋ ورىندارىندا ءبىلىم الۋدا، جانە شامامەن 100 مىڭ قازاقستاندىق تۋريست جىل سايىن چەحياعا بارىپ قايتادى.
