كاسپي تەڭىزىندە اپاتتى جاعدايلار كوبىنەسە شەتەلدىك كەمەلەردە ورىن الادى

«قازىرگى ۋاقىتتا كولىك كوميتەتى قازاقستاننىڭ تەڭىز پورتتارىنداعى وتاندىق جانە شەتەلدىك كەمەلەردى باقىلاۋدىڭ تيىمدىلىگىن ارتتىرۋعا مۇمكىندىك بەرەتىن كەمەلەردى تەكسەرۋ ناتيجەسىن تىركەۋدى اۆتوماتتاندىرۋ ماسەلەسىن قولعا الدى. فلوتتاعى اپاتتى ەسكەرتۋ ماقساتىندا كوميتەت ءتيىستى ءىس-شارا جوسپارىن جەتىلدىرىپ، جۇزەگە اسىرۋدا. جىل باسىنان سۋ كولىگىندە 15 وقيعا ورىن الىپ، وندا 2 ادام مەرت بولدى جانە 3 ادام زارداپ شەكتى. تەڭىز كولىگىندەگى اپاتتى جاعدايلار كەمەلەردە قاۋىپسىزدىك تالاپتارىنىڭ ساقتالماۋىنان ورىن العان. وقيعالاردىڭ باسىم بولىگى، ياعني، 9 جاعداي تەڭىز كەمەلەرىندە، وزەن كەمەلەرى بويىنشا 2 فاكت جانە 4 وقيعا شاعىن كەمەلەردە بولعان»، - دەپ اتاپ وتىلگەن ق ر ي د م  باسپا ءسوز قىزمەتىنىڭ مالىمەتىندە.

اتالمىش توعىز وقيعانىڭ التاۋى كاسپيي تەڭىزىنىڭ قازاقستاندىق بولىگىندە شەتەلدىك كەمەلەردە بولعان جاعداي. ادام ولىمىنە اكەپ سوققان جانە ادامداردىڭ دەنساۋلىعىنا زيان كەلتىرگەن بارلىق وقيعالار كەمەنى پايدالانعان كەزدە تەحنيكالىق قاۋىپسىزدىكتى ساقتاماعاندىقتىڭ سالدارىنان بولعان، وسى رەتتە قۇتقارۋ جيلەتىنىڭ بولماۋى، سۋ كولىگىن باسقارۋدا تاجىريبەنىڭ جوقتىعى اسەر ەتتى.

ايتا كەتەيىك، بۇگىندە قازاقستاندا 323 تەڭىز، 783 وزەن جانە 28,7 مىڭنان استام شاعىن كەمەلەر تىركەلگەن. كەمە جۇزەتىن سۋ جولدارىنىڭ قاشىقتىعى 4 مىڭ شاقىرىمنان اسادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى