مەملەكەت باسشىسى سۋديالارعا جۇكتەمەنى تومەندەتۋ جولىن ايتتى

«سوڭعى جىلدارى سوت ىستەرىنىڭ سانى جىل سايىن 200 مىڭعا ءوسىپ وتىردى. بۇل ىستەردىڭ قارالۋ ساپاسى مەن مەرزىمىنە تىكەلەي اسەر ەتەدى. ياعني، مۇنى دا ءار قىرىنان قاراستىرۋ قاجەت. جۇكتەمەنى تومەندەتۋ ءۇشىن مەنىڭ شەشىمىممەن اۋداندىق سوتتاردىڭ سۋديالارى شتاتى 450 بىرلىككە، سوت اپپاراتتارىنىڭ سانى 540 بىرلىككە ۇلعايتىلدى. دەگەنمەن، سوت اپپاراتىن ۇزدىكسىز ۇلعايتىپ، سۋديالاردى تاعايىنداي المايمىز. بۇل مۇمكىن ەمەس»، - دەدى ەلباسى.

وسى رەتتە قازاقستان پرەزيدەنتى تاتۋلاستىرۋ پروتسەدۋرالارى مەن تەتىكتەرىن كەڭەيتۋ شارالارىنىڭ كۇتىلگەن ناتيجە بەرمەي وتىرعاندىعىن تىڭعىلىقتى سارالاۋ قاجەتتىگىن باسا ايتتى. «مۇندا بايىپتى كەمشىلىكتەر بار. حالىقپەن ءتۇسىندىرۋ جۇمىستارىن جۇيەلى تۇردە جۇرگىزۋ قاجەت. ازاماتتارعا ءىستى سوت پروتسەسىنە جەتكىزگەننەن گورى تاتۋلاسۋ ءتيىمدى ەكەندىگىن ءتۇسىندىرۋ كەرەك. بۇل رەتتە قۇقىقتىق- اعارتۋشىلىق ماسەلەسى ماڭىزدى بولىپ سانالادى. حالىقتىڭ زاڭگەرلىك ساۋاتتىلىعىنىڭ ارقاسىندا سوت داۋلارىن ەسەلەپ قىسقارتۋعا بولادى»، - دەدى نازاربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى