مەملەكەت باسشىسى: جوعارى لاۋازىمدى شەنەۋنىكتەردىڭ جازالانۋى - زاڭ الدىنداعى تەڭدىكتىڭ كورسەتكىشى

 بۇگىن استانادا قازاقستان رەسپۋبليكاسى سۋديالارىنىڭ VII سەزىندە ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى، دەپ حابارلايدى قازاقپارات.

مەملەكەت باسشىسى زاڭ مەن سوت الدىندا بارلىعى بىردەي ەكەنىن قاداپ ايتتى. «قازىرگى كەزدە جۇرگىزىپ جاتقان سىبايلاس جەمقورلىقپەن كۇرەس اياسىندا بىرنەشە مينيسترلەر دە، اكىمدەر دە جاۋاپكەرشىلىككە تارتىلدى، سونىمەن قاتار ءتۇرلى بۋىندارداعى باسشىلار، مينيسترلەردىڭ ورىنباسارلارى مەن ۇرلىقپەن قولعا تۇسكەن «ەكسپو-2017» باسشىلىعى جازالارىن الدى. بۇل ءوز كەزەگىندە زاڭ الدىندا بارلىعىنىڭ بىردەي بولۋى قاعيداسى ساقتالىپ وتىرعانىن دالەلدەيدى»، - دەپ توقتالدى پرەزيدەنت.

 مەملەكەت باسشىسى ءوز كەزەگىندە سۋديالار قاتارلارىنداعى تازالىققا ۇنەمى نازار اۋدارىپ وتىرۋى تيىستىگىن اتاپ ءوتتى. ەلباسى زاڭدىلىقتىڭ ساقشىسى بولعان سۋديا زاڭدى بۇزۋعا قۇقى جوق ەكەنىن ايتا كەلە، سوندىقتان مەملەكەتتىڭ سوت بيلىگىنىڭ بەدەلىن تۇسىرەتىن جاعدايلارعا جول بەرمەۋ كەرەكتىگىن تاپسىردى. ايتا كەتەيىك، سەزگە سۋديالار كورپۋسى، پارلامەنت دەپۋتاتتارى، ورتالىق مەملەكەتتىك ورگانداردىڭ باسشىلارى، سونداي- اق زاڭگەرلەر قاۋىمداستىعىنىڭ، حالىقارالىق ۇيىمداردىڭ، ب ا ق پەن ۇ ە ۇ وكىلدەرى شاقىرىلدى. بارلىعى 600 دەن استام دەلەگات پەن فورۋم قوناقتارى قاتىسۋدا.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى