مۇحامەدجان تازابەك مەكەمتاس مىرزاحمەتوۆكە جاۋاپ بەردى
«بۇل - وسىدان 11 جىل بۇرىن بولعان وقيعا. شورابەك ايداروۆ دەگەن ۇلكەن ايتىسكەر اقىننىڭ ەلۋگە تولعان مەرەيتويىنان كەيىن شوكەڭنىڭ دوستارىن، شاكىرتتەرىن ۇيگە قوناققا شاقىرعان ەدىم. ول جەرگە كەلگەن شورابەك اعامىزدىڭ ونەردەگى شاكىرتتەرى، اسابالار جانە قىزمەت ەتىپ جۇرگەن كۇيەۋ بالالارىم. سول تويعا قاتىسقاندىقتان، مەكەمتاس اعامىزدى دا «ۇيدەن شاي ءىشىپ كەتىڭىز» دەپ ۇيگە شاقىردىم. وتىمنىڭ باسىنا، بالا- شاعامنىڭ قاسىنا مەكەمتاس اعامىزدى ۇلكەن اقساقال دەپ شاقىردىم، - دەدى مۇحامەدجان تازابەك «الماتى» تەلەارناسىنداعى «وتكىر ءتىل» باعدارلاماسىنا بەرگەن سۇحباتىندا.
ق ر ەڭبەك سىڭىرگەن قايراتكەرى مۇحامەدجان تازابەكتىڭ ايتۋىنشا، ول جەردە ەشقانداي ءدىني ۋاعىز ايتىلماعان. ءتىپتى ول جەرگە جينالعانداردىڭ كوپشىلىگى ناماز وقىمايتىندار ەكەن.
«ءبىز قازىر ءدىني عۇلاماعا مۇقتاجبىز. اقساقالعا مۇقتاجبىز. داستارحاندا باتا بەرەتىن اقساقال كوپ. ءبىراق اجىراسايىن دەپ جاتقان ەكى جاسقا اقىل ايتاتىن اقساقال جوق. شاپان كيىپ، شالقىپ تورىڭدە وتىراتىن شال بار، ءباتۋالى ءسوز ايتىپ، دۇرىس جول نۇسقايتىن قارياعا مۇقتاج بوپ وتىرمىز. كەشە زيالىلارىمىزدىڭ، قايماقتارىمىزدىڭ قىرىلىپ كەتكەنى سونداي، تاۋەلسىزدىك العانىمىزعا 25 جىل بولدى، ءالى ەسىمىزدى جيا الماي كەلە جاتىرمىز. 5 مىڭ تەڭگەنىڭ تاماعىن بەرسە، جاستارىمىزدىڭ شەشىنىپ كەتەتىن قاسىرەتىن كورىپ وتىرمىز. جۇرت زيالى قاۋىم دەپ وتىرعان كىسىلەر بولمايتىن تاقىرىپ ءۇشىن ءبىر-ءبىرىنىڭ بەتىنەن الىپ، وزىنەن كەيىنگىلەرگە ۇلگى كورسەتە المايتىن زيالىلاردىڭ زامانداسىمىز. جۇرت اقساقال دەپ ۇلگى تۇتىپ، بەتىنە قاراپ وتىرعان اقساقالىمىز وسىلاي كوزىڭدى باقىرايتىن قويىپ جالا جاۋىپ، وتىرىك ايتاتىن زاماننىڭ كۋاگەرىمىز»، - دەيدى تازابەك.
ءبىراق مۇحامەدجان مىرزا مەكەمتاس مىرزاحمەتوۆتى بۇعان دەيىن دە سىيلاعانىن، بۇدان كەيىن دە سىيلاي بەرەتىنىن ايتقان. سەبەبى، «اسىل ارنا» تەلەارناسىنىڭ باس ديرەكتورى ياسساۋيتانۋشى عالىمنىڭ كوپ جىلدارداعى ادەبي- تاريحي ەڭبەكتەرىن وتە جوعارى باعالايدى ەكەن.
