ايىپپۇل تولەتپەك بولعان پوليتسيا قىزمەتكەرىن اتىپ كەتتى
بۇل تۋرالى KTLA 5 تەلەارناسىنىڭ مالىمەتتەرىنە سىلتەمە جاساپ ria.ru حابارلايدى. تەلەارنانىڭ مالىمەتتەرى بويىنشا، وقيعا شتاتتاردىڭ وڭتۇستىگىندە جەكسەنبى كۇنى بولدى. سان- انتونيو قالاسىنىڭ پوليتسيا قىزمەتكەرى قىزمەت كولىگىنىڭ ىشىندە جول ەرەجەسىن بۇزعانى ءۇشىن توقتاتىلعان جۇرگىزۋشىلەردىڭ بىرىنە ايىپپۇل تولەۋ جونىندە قۇجاتتاردى تولتىرىپ جاتقان. وسى مەزەتتە پوليتسيا قىزمەتكەرىنىڭ كولىگىنىڭ ارتىنا ەكىنشى ءبىر قارا ءتۇستى كولىك كەلىپ توقتاعان.
ول كولىكتەن كۇدىكتى ازامات شىعىپ، پوليتسيا قىزمەتكەرىنە كەلىپ، ەكى رەت وق اتقان. سان انتونيو قالاسىنىڭ پوليتسيا دەپارتامەنتى كۇدىكتى ازاماتتىڭ كولىگىنىڭ سۋرەتىن Facebook جەلىسىندە جاريا ەتتى. ال، جەرگىلىكتى پوليتسيا وكىلدەرى كۇدىكتىنىڭ كىم ەكەنى جانە ونىڭ نە ءۇشىن مۇنداي قادامعا بارعانى انىقتالماعاندىعىن ايتىپ وتىر.
