استانا اكىمى بەنزين تاپشىلىعى نەدەن تۋىنداعانىن ءتۇسىندىردى

ەسكە سالا كەتەيىك، 18 -قاراشا كۇنى قالادا بەنزيننىڭ قىمباتتاپ بارا جاتقانىن حابارلاعان بولاتىنبىز. ال كەشە الەۋمەتتىك جەلىلەردە ەلورداداعى اي-92 بەنزينىنىڭ جەتىسپەۋشىلىگى تۋرالى ماسەلەلەر كوتەرىلدى.

«راسىمەن وسى ۋاقىتقا ءتان ەمەس اۋا-رايىنىڭ كۇرت سۋۋىنا بايلانىستى قالانىڭ كەيبىر جانارماي قۇيۋ ستانسيالارىندا ورتاشا تۇتىنۋ كورسەتكىشى ج ج م قورىنان اسىپ ءتۇستى. قازىرگى ۋاقىتتا "قازمۇنايگاز" ا ق قالاعا اكەلىنەتىن اي-92 بەنزينىنىڭ مولشەرىن ارتتىرۋ بويىنشا جۇمىس جۇرگىزىلىپ جاتىر. بۇگىندە اي-92 ماركالى بەنزينىنىڭ باعاسى ليترىنە 130-135 تەڭگە»، دەدى اكىم فەيسبۋكتەگى پاراقشاسىندا. جاعداي "قازمۇنايگاز" ا ق، استانا قالاسىنىڭ اكىمدىگى جانە ەنەرگەتيكا مينيسترلىگىنىڭ باقىلاۋىندا. «بارلىق تاراپتاردىڭ قاتىسۋىمەن (مەملەكەتتىك ورگاندار، جانار- جاعارماي تاسىمالداۋشىلار) جينالىس وتكىزىپ، قىسقى مەرزىمگە ءىس- قيمىل جوسپارىن پىسىقتاپ الامىز. ناتيجەسى بويىنشا حابارلايمىز» دەلىنگەن حابارلامادا.

اۆتور: ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى