كورەيا پرەزيدەنتنە بولعان قارسىلىق قازاقستانعا قاتىستى ەلارالىق ساياساتتى وزگەرتپەيدى - فوتو

بۇل تۋرالى «قازاقپارات» تىلشىسىنە بەرگەن سۇحباتىندا كورەيا رەسپۋبليكاسى س ءى م ەۋروپا بولىمشەسىنىڭ ديرەكتورى سۋ سوك ليم (Soosuk Lim) حابارلادى. «ساياساتتىڭ نەگىزگى باعىتتارىنىڭ ءبىرى ەۋرازيالىق باستاما بولىپ تابىلادى. بۇل تۇراقتىلىقتى، بەيبىتشىلىكتى، وسى وڭىردەگى بارلىق ەلدەردىڭ بىرلەسىپ گۇلدەنۋىن كوزدەيتىن ساياسات. ورتالىق ازيا ەلدەرى ەۋرازيالىق ينتەگراتسيانى جىلجىتۋدا ماڭىزدى ارىپتەس بولىپ تابىلادى. قازاقستان بىزگە وتە ماڭىزدى، سەبەبى بۇل ەل - ساياساتتا دا، ەكونوميكادا دا ستراتەگيالىق جانە جاھاندىق ارىپتەس»، - دەدى سۋ سوك ليم.

ەسكە سالساق، سەۋلدە ون مىڭداعان ادام ءتورتىنشى اپتا قاتارىنان جاپپاي نارازىلىق اكسياسىن وتكىزۋدە. ولار پرەزيدەنتتىڭ وتستاۆكاعا كەتۋىن تالاپ ەتۋدە. ب ا ق حابارلاعانداي، پرەزيدەنت ءوز قۇربىسىن باسقارماعا قابىلداعان، وعان قۇپيا دەرەكتەردى اشقان.

قازاقپارات ميتينگ جايلى 12 -قاراشادا حابارلاعان. تاياۋ كۇندەرى وڭتۇستىك كورەيا پروكۋرورلارى ەل پرەزيدەنتىنىڭ قۇربىسىن سىبايلاس جەمقورلىق جانجالعا قاتىسقانى ءۇشىن رەسمي ايىپتاعان. «رەيتەر» اگەنتتىگىنىڭ حابارلاۋىنشا، ءىس اياسىندا مەملەكەت باسشىسىنىڭ بۇرىنعى اعا كومەكشىسىنە دە ايىپ تاعىلدى. پاك كىن حەگە ونىڭ ساياسي يممۋنيتەتىنە وراي ءىس بويىنشا ايىپ تاعا المايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى