ەۋروپادا تۇراتىن الاش تانۋشى قىز دوكتور اتاندى
المانيادا تۇراتىن قانداسىمىز قازاق تاريحىنداعى ەلەۋلى ورنى بار الاش وردا قوزعالىسى، سول ءبىر زۇلمات جىلدارداعى اقتاڭداق تاريح تۋرالى ىزدەنىپ، ءوزىنىڭ دوكتورلىق ديسسەرتاتسياسىنا ارقاۋ ەتكەن، دەپ جازادى BAQ.kz ءتىلشىسى.
وزگەجان كەسيجي دۋبلين ۋنيۆەرسيتەتىنىڭ الەۋمەتتانۋ فاكۋلتەتىندە وقي ءجۇرىپ، «قازىرگى زامانعا ۇلتشىلدىقپەن جەتۋ: قازاق الاشوردا قوزعالىسى» تاقىرىبىندا دوكتورلىق ديسسەرتاتسيا قورعاعان. سونىڭ نەگىزىندە PhD - عىلىم دوكتورى اتاندى. وزگەجانعا دوكتورلىق اتاعى الداعى ۋاقىتتا سالتاناتتى تۇردە تاپسىرىلاتىن بولادى.
بۇل تۋرالى وزگەجاننىڭ اكەسى قايىم كەسيجي ءوزىنىڭ الەۋمەتتىك جەلىدەگى پاراقشاسىندا جازدى.
وزگەجاننىڭ ەڭبەگى ارقىلى ەۋروپالىقتار قازاق تاريحىنىڭ ەڭ ءبىر ەلەۋلى كەزەڭىن بىلە الاتىن بولادى.
ەستەرىڭىزدە بولسا بيىل الاش وردا قوزعالىسىنىڭ جەتەكشىسى، الاش كوسەمدەرىنىڭ كوشباسشىسى ءاليحان بوكەيحاننىڭ تۋعانىنا 150 جىل تولدى. ال كەلەر جىلى وسى قوزعالىستىڭ 100 جىلدىعى اتالىپ وتەتىن بولادى.
