ماسكەۋدە «ولجاس جانە مەن» اتتى وي- تولعامدار توپتاستىرىلعان جيناق شىقتى - فوتو
كىتاپ كورنەكتى كەڭەس جانە قازاق اقىنى، جازۋشى، ادەبيەتتانۋشى، كورنەكتى قوعام جانە ساياسات قايراتكەرى ديپلومات ولجاس سۇلەيمەنوۆتىڭ 80 جىلدىق مەرەيتويىنا ارنالدى، يدەيا اۆتورى جانە قۇراستىرۋشىسى حالىقارالىق «مادەنيەت» قورىنىڭ وكىلى - ەرمەك الدانوۆ.
تانىستىرىلىمعا قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى مارات ءتاجين، ازەربايجاننىڭ رەسەي فەدەراتسياسىنداعى توتەنشە جانە وكىلەتتى ەلشىسى پولاد بيۋلبيۋل وگلى، رەسەي ساياسات قايراتكەرى، عالىم، پۋبليتسيست، ر ع ا مۇشە- ءتىلشىسى رۋسلان حاسبولاتوۆ، كەڭەس جانە رەسەي كينورەجيسسەرى، ر ف حالىق ءارتىسى ۆاديم ابدراشيتوۆ، كەڭەس جانە رەسەي كينورەجيسسەرى، سەناريست، پروديۋسسەر، ر ف حالىق ءارتىسى سەرگەي سولوۆيەۆ، جازۋشى ۆلاديمير كرۋپين جانە ت. ب. قاتىستى.
«
اڭگىمە جارقىن دا كوپ قىرلى تۇلعا ولجاس ومار ۇلى جايىندا بولعاندا، ونىڭ بەينەسىن اشۋ ءۇشىن ءبىر سوزبەن انىقتاما بەرۋ مۇمكىن ەمەس».
ەرەكشە ادامداردىڭ تۇلا بويى ءمان- ماعىناعا تۇنىپ تۇرادى. ولجاس ومار ۇلىنىڭ كوپ قىرلىلىعىنىڭ سىرى ونىڭ اقىندىعى، كورنەكتى قوعام قايراتكەرى، پۋبليتسيستىگىندە ەمەس، ول تۇتاس دۇنيەتانىم قالىپتاستىرا بىلگەن جان. ونى يۋنەسكو-دا تەگىننەن-تەگىن اتاعان جوق. ول مادەنيەتكە دارا ۇنىمەن كەلگەن بيىك تۇلعا»، - دەپ اتاپ ءوتتى ءوز سوزىندە مارات ءتاجين.
ديپلومات ولجاس سۇلەيمەنوۆتى پ. لۋمۋمبا حالىقتار دوستىعى ۋنيۆەرسيتەتىنىڭ قۇرمەتتى دوكتورى اتاعىمەن جانە 80 جىلدىققا ارنالىپ شىعارىلعان مەرەيتويلىق كىتابىمەن قۇتتىقتادى.
ولجاس سلەيمەنوۆ ءوزى تۋرالى شىعارعان ۇجىمدىق شىعارماشىلىق ەڭبەكتى ىڭعايسىزدانىپ قابىلداعانىن جاسىرمادى. جيناق بىرگە كەشكەن عۇمىردىڭ بەلگىلى ءبىر قورىتىندىسى ىسپەتتەس. «العاش رەت اۆتورى ءوزىم ەمەس، ءوزىمدى ادەبي كەيىپكەر رەتىندە سەزىنگەن مەن ءۇشىن وتە قىزىقتى كىتاپتى قولىما ۇستادىم. بۇل كەرەمەت سەزىم. وقي وتىرىپ، ءوزىم بىلمەگەن، سەزبەگەن تۇستاردى قالاي بايقاعانىنا كەيدە ىڭعايسىزدانساڭ، كەيدە تاڭدانىپ قالاسىڭ»، - دەگەن ويىمەن ءبولىستى سۇلەيمەنوۆ.
