استانادا «توڭىپ قالعانداردى تەگىن جەتكىز» شاراسى ىسكە قوسىلدى

ۇيىمداستىرۋشىلار جۇرگىزۋشىلەرگە كۇننىڭ سۋىعىندا توڭىپ قالعان ازاماتتاردى ۇيلەرىنە تەگىن جەتكىزىپ تاستاۋدى ۇسىنىپ وتىر، دەپ حابارلايدى قازاقپارات. «ەگەر ءسىز كولىگىڭىزبەن جۇمىسقا بارا جاتىپ نەمەسە كەلە جاتىپ جول بويىندا توڭىپ تۇرعان ادامداردى كورسەڭىز ولاردى تەگىن الا كەتىڭىز!» - دەيدى اكسيانى ۇيىمداستىرۋشىلار.

ايتا كەتەيىك، بۇگىن ۇسكىرىك ايازدىڭ سالدارىنان ءبىرىنشى جانە ەكىنشى اۋىسىمداعى 1-9 -سىنىپ وقۋشىلارى ءۇشىن ساباقتار توقتاتىلدى. 18 -قاراشا كۇنى اۋا تەمپەراتۋراسىنىڭ تومەن بولۋى «استانا سۋ ارناسى» مەكەمەسىنە قاراستى جەلىلەردە اپاتتىڭ ورىن الۋىنا سەبەپ بولدى. وسىعان قاراي بىرنەشە ءۇيدىڭ تۇرعىندارى تاۋلىك بويى سۋسىز وتىردى. قازاقستاندا 40 گرادۋستان تومەن اياز بولۋى ىقتيمال ەكەندىگىن ايتا كەتكەن ءجون.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى