باس پروكۋراتۋرا وكىلدەرى جول قاۋىپسىزدىگى ماسەلەسىن تالقىلاماق
ءىس- شارانى باس پروكۋراتۋرا جانىنداعى قۇقىق قورعاۋ ورگاندارىنىڭ اكادەمياسى قازاقستانداعى دۇنيەجۇزىلىك دەنساۋلىق ساقتاۋ ۇيىمىنىڭ قولداۋىمەن ۇيىمداستىرىپ وتىر.
وتىرىسقا باس پروكۋراتۋرانىڭ، ىشكى ىستەر، دەنساۋلىق ساقتاۋ جانە الەۋمەتتىك دامۋ مينيسترلىكتەرىنىڭ، كولىك ۇيىمدارىنىڭ، عىلىمي ورتانىڭ جانە ب ا ق وكىلدەرى قاتىسادى. فورۋمدا قۇقىق قورعاۋ ورگاندارىنىڭ اكادەمياسى مۇددەلى مەملەكەتتىك ورگاندار جانە ۇيىمدارمەن بىرلەسىپ ازىرلەگەن جول قاۋىپسىزدىگىنىڭ ۇلتتىق تۇجىرىمداماسى تانىستىرىلادى.
ۇلتتىق تۇجىرىمداما وتاندىق جانە شەتەلدىك تاجىريبە، 2011-2020 -جىلدارداعى جول قوزعالىسى قاۋىپسىزدىگىن قامتاماسىز ەتۋ بويىنشا ءىس- ارەكەتتەر ونجىلدىعىن ىسكە اسىرۋدىڭ جاھاندىق جوسپارى نەگىزىندە، سونداي- اق د د ۇ زەرتتەۋلەرىن پايدالانا وتىرىپ جاسالعان. قازاقستانداعى جول- كولىك وقيعاسىنان قازا تاپقانداردىڭ دەڭگەيى ەۋروپا اۋماعى ەلدەرىنىڭ اراسىندا ەڭ جوعارى جانە قىرعىزستان، رەسەي فەدەراتسياسى، تاجىكستان، ارمەنيا سياقتى ت م د ەلدەرىنىڭ سايكەس كورسەتكىشىنەن جوعارى.
تۇجىرىمدامادا زاڭنامالىق، ءبىلىم، تاربيە بەرۋ، ۇيىمداستىرۋشىلىق جانە تەحنيكالىق شارالار قاراستىرىلعان. تۇجىرىمدامانىڭ ماقساتى: 2020 -جىلعا قاراي جول- كولىك وقيعالارىنان بولاتىن ءولىم سانىن 100 مىڭ تۇرعىنعا شاققاندا 6 ادامعا دەيىن تومەندەتۋ (قازىرگى ۋاقىتتا 100 مىڭعا 14,9). وتىرىس 21 -قاراشا كۇنى ساعات 15.00-دە باستالادى.
