نۇرباقىت تەڭىزبايەۆ: كۇمىس ۆيتاليگە جانە ونىڭ جانۇياسىنا تيەسىلى
بۇگىن وسىعان بايلانىستى بالۋان باۋىرىمىز الەۋمەتتىك جەلىسىندەگى جەكە پاراقشاسىندا ءوز ويىمەن ءبولىستى. «قۇرمەتتى دوستار! بەيجىڭ وليمپياداسى مەن ءۇشىن سپورتتىق كارەرامنىڭ شىڭى بولدى. ءاربىر سپورتشى وليمپيادا ويىندارىنىڭ جەڭىمپازى نەمەسە جۇلدەگەرى بولعىسى كەلەتىنى انىق. سپورتتا ۇزاق ۋاقىت ءجۇرىپ، ەشقاشان جەڭىلدىڭ استىمەن اۋىردىڭ ۇستىمەن جۇرگەندى قولدامايتىنمىن جانە قولدامايمىن دا. قانداي مەدال بولسىن، ونى كىلەم ۇستىندە جەڭىپ العاندى قولدايمىن. ءدال سول كۇنى، مەنى ازەربايجان بالۋانى ۆيتالي راگيموۆ ۇتقان بولاتىن، ۆيتاليدى تالانتتى دا مىقتى بالۋان رەتىندە تانيمىن. سول كۇنى ءۇشىنشى ورىن يەلەنۋ مەنىڭ ماڭدايىما جازىلعان بولار، ماعان ءوزىمنىڭ ۇتقان قولا مەدالىم اسا قىمبات. كۇمىس ۆيتاليگە جانە ونىڭ جانۇياسىنا تيەسىلى. ول مەدالدىڭ ارتىندا كوپتەگەن ادامنىڭ ەڭبەگى جاتىر. كۇمىس سول ەڭبەكتىڭ جەمىسى دەپ ويلايمىن! سىزدەردىڭ جىلى لەبىز جانە قولداۋلارىڭىزعا ۇلكەن العىس ايتامىن»، - دەپ جازىلعان جەكە پاراقشاسىندا.
اۆتور: كۇنسۇلتان وتارباي
