جاقسى اكە قانداي بولۋ كەرەك؟
وتباسىندا اكەنىڭ ءرولى ماڭىزدى. كوپشىلىگىمىز انانىڭ قادىر-قاسيەتىن دارىپتەيمىز دە، اكە وبرازى ەكىنشى ورىنعا جايعاسىپ جاتادى. الايدا، اكە مىندەتى، اكە تاربيەسى، اكە بولمىسى بالاعا بىردەن-ءبىر اسەر ەتەتىن فاكتور.
قىز بالا بولسا دا، ۇل بالا بولسا دا، اكە تاربيەسىنىڭ ورنى بولەك، دەپ جازادى ماسساگەت. ك ز. جاقسى اكە بولۋ ءۇشىن قانداي قاعيدالاردى ەستە ۇستاعان ءجون؟! بىلە ءجۇرىڭىز!
1. بالالارىڭنىڭ اناسىن قۇرمەتتە. جانۇيادا اتا-انا سىيلاستىعىن كورگەن بالا قاي جەردە بولماسىن ءوز قادىرى مەن سىيىن بىلەدى. وزگەنىڭ دە سەزىمىن باعالايدى.
2. ۋاقىتتىڭ كوپ بولىگىن بالالارمەن وتكىزگەن دۇرىس. جۇمىس باستى ادامداردىڭ بالالارى مەيىرىمگە مۇقتاج بولىپ وسەدى. بالاعا تاربيەنى بەلگىلى ءبىر كەزەڭدە عانا سىڭىرە الاتىنىڭىزدى ۇمىتپاۋىڭىز كەرەك.
3. بالانى ۇنەمى تىڭداي ءبىلۋ كەرەك. ونىڭ ايتىپ وتىرعان ءسوزى ماڭىزدى بولماسا دا، تىڭداپ ۇيرەنۋ قاجەت. بالاڭىز ەسەيگەن بولسا، ونىڭ يدەيالارى مەن پروبلەمالارىنا باسا نازار اۋدارۋ قاجەت.
4. جازالاۋعا جاقىن بولماڭىز. كىنالى بولسا، اقىلمەن ءتۇسىندىرىڭىز. قانداي ماسەلە بولماسىن، ءادىل شەشىم قابىلداڭىز.
5. ۇلگى تۇتارلىق تۇلعا بولىڭىز. بالالارىڭىز وزگەگە ەلىكتەمەسىن. قىزىڭىز سىزگە قاراپ، بولاشاق جارىن ەلەستەتسىن، ۇلىڭىز ءوزىن سىزبەن سالىستىرىپ ۇيرەنسىن.
6. بالالارعا جاقسى ۇستاز بولا ءبىلىڭىز. اق پەن قارانى اجىراتۋدى ۇيرەتسەڭىز، كەلەشەك عۇمىردا دۇرىس تاڭداۋ جاسايتىنى ءسوزسىز.
7. بىرگە تاماقتانىڭىز. ۇستەل باسىنداعى وتىرىستىڭ دا تاربيەگە اسەرى زور. بالا ءوزىن ەركىن سەزىنىپ، كۇندەلىكتى ءىس-ارەكەتتەرىمەن ۇنەمى ءبولىسىپ وتىرۋعا داعدىلانادى.
8. كىتاپ وقىپ بەرىڭىز. ءسابي كۇنىنەن باستاپ، ءوزىڭىز وقىپ بەرىپ، ءوزىڭىز تۇسىندىرسەڭىز، جەكە تۇلعا بولىپ قالىپتاسۋ جولىندا جاڭىلمايدى.
9. قامقور بولىڭىز. ءوزىن قاۋىپسىز ورتادا سەزىنگەن بالا جاسقانشاق بولمايدى.
10. اكەنىڭ مىندەتى ەشقاشان تاۋسىلمايدى. بالالار وسكەننەن كەيىن دە اكەنىڭ اقىلىنا جۇگىنەتىن كەزدەرى كوپ بولادى.
