دۇيسەنوۆا قازاقستانداعى ونكولوگيالىق قىزمەتتى جەتىلدىرۋ ماسەلەلەرىن حالىقارالىق ساراپشىلارمەن تالقىلادى
ولار وتاندىق ونكولوگيالىق قىزمەتتىڭ دامۋى تۋرالى ەسەپتى ۇسىندى، دەپ حابارلايدى ۆەدومستۆونىڭ باسپا ءسوز قىزمەتىنەن.
شەتەلدىك ساراپشىلار استانا جانە الماتى قالالارىنداعى ونكولوگيالىق ورتالىقتارعا، قازاق ونكولوگيا جانە راديولوگيا عىلىمي-زەرتتەۋ ينستيتۋتىنا، الماتى قالاسى 1№ ەمحاناسىنىڭ پاللياتيۆتى كومەك ورتالىعىنا، س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنە، رەسپۋبليكالىق جوعارعى مەديتسينالىق كوللەدجىنە باردى. سونىمەن قاتار، ددۇ جانە ماگاتە دەلەگاتسياسى وبىر سىرقاتتانۋشىلىعىنىڭ كورسەتكىشتەرىن زەرتتەپ، ق ر ونكولوگيالىق قىزمەتىن دامىتۋ بويىنشا الدا تۇرعان مىندەتتىرىنە جانە جەتىستىكتەرىنە، ۇلتتىق باسىمدىلىقتارىنا شولۋ جۇرگىزدى.
ت. دۇيسەنوۆامەن كەزدەسۋ بارىسىندا ساراپشىلار قازاقستانداعى ونكولوگيالىق قىزمەت جوسپارلى دامىپ جاتقانىن اتاپ ءوتتى، سونىمەن قاتار ق ر- دا وبىر سىرقاتتانۋشىلىعىنا سكرينينگ جۇرگىزۋدى كۇشەيتۋ بويىنشا ۇسىنىستار بەردى.
كەزدەسۋ سوڭىندا ت. دۇيسەنوۆا ساراپشىلارعا جۇرگىزىلگەن جۇمىستارى ءۇشىن العىس ءبىلدىردى جانە ونكولوگيالىق سىرقاتتانۋشىلىقپەن كۇرەستە ددۇ جانە ماگاتە-ءنىڭ تاجىريبەسىن قولدانۋعا دايىن ەكەنىن جەتكىزدى.
