ۇكىمەتتە جاسىل تەحنولوگيالاردىڭ حالىقارالىق ورتالىعىن قۇرۋ ماسەلەسى تالقىلاندى
وتىرىس بارىسىندا قازاقستان رەسپۋبليكاسىنىڭ «جاسىل ەكونوميكاعا» كوشۋ جونىندەگى 2013-2020-جىلدارعا ارنالعان تۇجىرىمداماسىنىڭ ءىس-شارا جوسپارىن ورىنداۋ بويىنشا جۇمىس توپتارىنىڭ ەسەپتەرى تىڭدالدى.
ق ر ەنەرگەتيكا ءمينيسترى ق. بوزىمبايەۆ، ق ر ينۆەستيتسيالار جانە دامۋ ءمينيسترى ج. قاسىمبەك جانە ق ر اۋىل شارۋاشىلىعى ءبىرىنشى ۆيتسە-ءمينيسترى ق. ايتۋعانوۆ بايانداما جاسادى. سونداي-اق، استانادا «جاسىل» تەحنولوگيالار مەن ينۆەستيتسيالىق جوبالاردىڭ حالىقارالىق ورتالىعىن قۇرۋ بويىنشا ماسەلە تالقىلاندى. تۇجىرىمداماعا سايكەس، ورتالىقتىڭ نەگىزگى مىندەتى قازاقستاننىڭ «جاسىل ەكونوميكاعا» تاجىريبەلىك كوشۋىنە جاردەمدەسۋ، جاڭارتىلاتىن ەنەرگيا كوزدەرى جانە ەكولوگيالىق تازا تەحنولوگيالار سياقتى «جاسىل ەكونوميكا» سالالارىن دامىتۋعا قاجەتتى تۇراقتى نەگىزدى قالىپتاستىرۋعا قولداۋ كورسەتۋ، سونداي-اق حالىقارالىق ىنتىماقتاستىقتى نىعايتۋ. اتاپ ايتقاندا، ورتالىق «جاسىل» تەحنولوگيالار ترانسفەرتى بويىنشا ەلدەردىڭ ءوزارا ءىس-قيمىلىن قامتاماسىز ەتەدى. وتىرىس قورىتىندىسى بويىنشا ق ر پرەمەر-ءمينيسترى باقىتجان ساعىنتايەۆ ءبىرقاتار تاپسىرمالار بەردى.
ەسكە سالساق، ق ر پرەزيدەنتى جانىنداعى «جاسىل ەكونوميكاعا» كوشۋ جونىندەگى كەڭەس مەملەكەت باسشىسىنىڭ جارلىعىمەن 2014-جىلعى 26- مامىردا قۇرىلدى. كەڭەس ءتوراعاسى ق ر پرەمەر-ءمينيسترى بولىپ تابىلادى. كەڭەس قازاقستان رەسپۋبليكاسىنىڭ «جاسىل ەكونوميكاعا» كوشۋ جونىندەگى تۇجىرىمداماسىن جۇزەگە اسىرۋعا مونيتورينگ جۇرگىزۋ جانە باعالاۋ، مونيتورينگ جۇرگىزۋ جانە باعالاۋ نەگىزىنە سايكەس ۇسىنىمدار جاساۋ، «جاسىل» جانە تۇراقتى دامۋ قاعيدالارىمەن ەكونوميكانى جاڭعىرتۋدى قامتاماسىز ەتەتىن تۇجىرىمدامانى جۇزەگە اسىرۋ ستراتەگياسىن، ءتاسىلىن جانە تەتىكتەرىن انىقتاۋ ماقساتىندا قۇرىلعان كونسۋلتاتيۆتىك- كەڭەسشى ورگان بولىپ تابىلادى.
